Қызылорда облысының әкімі Жаңақорған ауданы әкімінің орынбасарына қатаң ескерту жасады

Қызылорда облысының әкімі Қырымбек Көшербаев Жаңақорған ауданы әкімінің орынбасары Қаржыбек Бүркітбаевқа қатаң ескерту жасады. Әкім орынбасары су астында қалған ауыл тұрғындарына көмек көрсетудің орнына олардың өзіне дүрсе қоя берген еді. Тиісті орган басшыларымен селекторлық байланыс өткізген Көшербаев Жаңақорған мен Арал аудандары аралығындағы жағдайды үнемі бақылауда ұстауды тапсырды. Әкімнің айтуынша, биыл жауын-шашын мол, Шардара су қоймасы толды, ал Көксарай 1,5 апта ішінде толып қалады, сондықтан ешбір жауапты тұлға қазір демалысқа шықпауы керек. Жергілікті тұрғындардың бiрi көшедегі судың салдарынан көлікпен жүру мүмкін емес екендігін айтып, шағымданған. Оған аудан әкімінің орынбасары Қаржыбек Бүркітбаев «ол біздің шаруамыз емес, сен оны өзің жөнде» деп дөрекі жауап қайтарған. Көшербаев оған: "Онсыз да ашудан булығып тұрған тұрғындарға дауыс көтеруге құқыңыз жоқ. Халыққа жәймен, сыпайы түрде түсiндiруге мiндеттiсiңдер» дедi. Ал кеше ғана облыстық әкімдікте төтенше жағдай қызметкерлері жиналып, тілшілердің басын қосып өткізген жиында топан судан зардап шеккен халыққа көмек көрсетілмейтіні айтылса, бүгін Қырымбек мырза керісінше қолдау көрсетеміз деп қалды.