شاعر، ليکوال او څيړونکی قلندر مومند څوک وو او په پښتو ادب کې کړی کار یې ولې ډير اهميت لري؟

د جهان ښکلي به څه کړي نه پوهېږم - قلندر مومند که بې وخته وفات شو. د هغه او نورو دغسي ښکلونو شاعرونو خالق، ليکوال، خبریال، د پوهنتون استاد او نقاد قلندر مومند د خپلو باجراته ليکنو له وجې په پښتو ادب کې ځانګړی شهرت لري. د هغه خپل نوم صاحبزاده حبیب الرحمن وو چې په ۱۹۳۰ کال کې زيږیدلی او په ۲۰۰۳ کال کې وفات شو. مومند د پښتو ادب يو ګڼ اړخيز شخصيت وو. هغه د پښتو ادب لپاره د کار تر څنګ عملي سياست هم کړی وو او د ايوب خان د پوځي واکمنۍ پر مهال يې د زندان سختۍ ګاللې وي. قلندر مومند په خپل شعر کې د هغه بند درد د مغلو په قید کې د ستر پښتون مبارز خوشال خټک تېر کړي وخت ته ورته بللې او ويلي یې دي: چې په خوشحال په رنتمبور کې وشوې - هغه کانې پر ما لاهور کې وشوې! د مومند د ژوند او کار په اړه د راشد خټک راپور واورئ.