Cabdinaasir M. Caydiid - Oloshay Anoo Maqan

ATTRIBUTES: www.pexels.com LYRICS: Nabsi igadh lagama maaloo arami weeyaane Eedaad fashaan hadhin oon hadhin laguna aafowyee Qofba aqoon intuu qabaa buu talo ogaadaaye Indhihii arag yar ood iyo god kal irdhoobee Ama hore u afeef dhigo ama dib u adkeyso oo Waa maxay ilmaysayee uur jilicsanaantani Waa maxay ilowdaye intaan aayahaa waday Ergo nabad ah lama diido godobi waa iine Colaad aloostaa oog shiddoo aano waa dhaxale Utuntaad geysataa buu nacabku eegaaye Addinkii oradsan socodna aayar hashii ma aayo e Adigoo waxba ii ulan oloshay anoo maqan Waa maxay irdhowdaye naxliga iyo amuuruhu Inaad aabahood tahay miyaad ka ambaneysaa Haddii sahanka oon wado amacda jiilaale Adna ayro geeloo wada irmaan tahay abwaankeede Qofba abaal intuu galaa baa layrka nuuraayee Ma adiga, aniga, i alwanaaya amar Allaa lehe Oheey talo adduunyoo hadhkoo jidha arooryoo Waa maxay ayaamuhu hadey kugu adkaadeen Ma anigaa ku awdalay adaa degay abbaartee