MBEYA CITY vs MTIBWA SUGAR: Mtibwa Sugar watamba kuondoka na alama tatu za ugenini.

Kocha wa Mtibwa Sugar, Yusuf Chipo amesema timu yake imetumia vyema kipindi cha mapumziko kujiandaa kwa mchezo wa Ligi Kuu ya NBC dhidi ya Mbeya City utakaochezwa kesho Juni 13, 2026. Chipo amesema kikosi chake kimejiandaa kuhakikisha kinaepuka makosa ambayo yamekuwa yakiwagharimu na kuwanyima alama tatu muhimu katika mechi zilizopita. Kwa upande wake, mchezaji wa timu hiyo, Harun Lyawatwa amesema wanafahamu mchezo huo utakuwa mgumu kutokana na kila timu kuhitaji matokeo ya ushindi, lakini wamejipanga kufanya vema na kupambana kwa nguvu zote. Mechi itapigwa saa 8:00 mchana, na itakuwa LIVE kupitia #AzamSports1HD