TIRA YATANUA WIGO WA ELIMU YA BIMA NCHINI

Akizungumza katika banda la Mamlaka ya Usimamizi wa Bima Tanzania (TIRA) wakati wa wiki ya uzinduzi wa Jukwaa la Kitaifa la Huduma za Bima nchini, Meneja wa Mamlaka ya Usimamizi wa Bima Tanzania (TIRA) Kanda ya Mashariki Ndugu Kurenje Mbura ametoa wito kwa wananchi kushiriki katika maonesho mbalimbali yanayoandaliwa nchini ili kupata elimu sahihi kuhusu huduma za bima pamoja na kunufaika na huduma mbalimbali zinazotolewa bila malipo. Aidha, amefafanua kwa kina majukumu ya TIRA katika utekelezaji wa mfumo wa Bima ya Afya kwa Wote, sambamba na ushirikiano wake na wadau wa sekta ya afya nchini kwa lengo la kuhakikisha wananchi wanapata huduma bora na salama za bima ya afya. TIRA, kwa Soko Salama la Bima.