ಕುಮಾರವ್ಯಾಸ ಭಾರತ ಸಂಚಿಕೆ 3 ಪಾತ್ರವರ್ಗಗಳು, ಕರ್ಣಾಟ ಭಾರತ ಕಥಾಮಂಜರಿ

ಕುಮಾರವ್ಯಾಸ ಭಾರತ ಸಂಚಿಕೆ 3 ಪಾತ್ರವರ್ಗಗಳು, ಕರ್ಣಾಟ ಭಾರತ ಕಥಾಮಂಜರಿ. ಕುಮಾರವ್ಯಾಸ ಭಾರತದಲ್ಲಿ ಬರುವ ಮುಖ್ಯ ಪಾತ್ರವರ್ಗದ ಬಗ್ಗೆ ತಿಳಿದುಕೊಳ್ಳೋಣ. 1)ಶ್ರೀ ಕೃಷ್ಣ : ಕುಮಾರವ್ಯಾಸ ಭಾರತದಲ್ಲಿ ಕುಮಾರವ್ಯಾಸನು ʼತಿಳಿಯ ಹೇಳುವೆ ಕೃಷ್ಣ ಕಥೆಯನು ಇಳೆಯ ಜಾಣರು ಮೆಚ್ಚುವಂತಿರೆʼ ಎಂದು ಉದ್ಘೋಷಿಸಿದ್ದಾನೆ. ಮಹಾಭಾರತದಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸುವವನು ಕೃಷ್ಣನೇ. 2)ಭೀಷ್ಮ ಶಂತನುವಿನ ಮಗ ಕುರುಕುಲ ಪಿತಾಮಹ, ತಂದೆಯ ಸುಖ ಮತ್ತು ಸಂತೋಷಕ್ಕಾಗಿ ಬ್ರಹ್ಮಚರ್ಯದ ಪ್ರತಿಜ್ಞೆಯನ್ನು ಮಾಡಿದವನು. ಜೂಜಾಟದ ಸಮಯದಲ್ಲಿ ದುರ್ಯೋಧನನನ್ನು ನಿಗ್ರಹಿಸಲಿಲ್ಲ ಎಂಬ ದೂರು ಭೀಷ್ಮನ ಮೇಲಿದೆ, ದ್ರೃತರಾಷ್ಟ್ರನು ಪುತ್ರ ವ್ಯಮೋಹದಿಂದ ವರ್ತಿಸುವಾಗ ಭೀಷ್ಮನ ಮಾತಿಗೆ ಬೆಲೆ ಇರಲಿಲ್ಲ. ಭೀಷ್ಮರು ಕೌರವರಿಗೆ ಮತ್ತು ಪಾಂಡವರಿಗೆ ತಾತ ಆಗಬೇಕು. 3)ಮಹಾಭಾರತದ ಕಥೆಗೆ ದ್ರೋಣನು ಒಂದು ಮೂಲ ಕಾರಣ ಆಗಿದ್ದಾನೆ, ದೃಪದನಿಂದ ಅವಮಾನ ಆಗಿ ಸೇಡು ತೀರಿಸಿಕೊಳ್ಳಲು ದ್ರೋಣ ಪಾಂಡವರ - ಕೌರವರ ಗುರು ಆದ. ದ್ರೋಣನು ಭೀಷ್ಮನ ನಂಬಿಕೆಯ ಸಹಚರ ಆಗಿದ್ದ, ಮತ್ತು ಪಾಂಡವರ ಪಕ್ಷಪಾತಿ ಆಗಿದ್ದ. ಪಾಂಡವರು: ಕುಂತೀಪುತ್ರರಾದ ಧರ್ಮರಾಯ (ಯಮ), ಭೀಮ (ವಾಯು), ಅರ್ಜುನ (ಇಂದ್ರ) ಮತ್ತು ಮಾದ್ರಿ ಪುತ್ರರಾದ ನಕುಲ-ಸಹದೇವ (ಅಶ್ವಿನಿ ದೇವತೆಗಳು). 4)ಧರ್ಮರಾಯನು ಪಾಂಡವರ ಹಿರಿಯ, ಧರ್ಮವೇ ಮನುಷ್ಯ ರೂಪದಿಂದ ಧರ್ಮರಾಯನಾಗಿ ಜನಿಸಿತು. ಮೂಲ ಮಹಾಭಾರತದ ಆರಂಭದಲ್ಲಿ ಧರ್ಮರಾಯನು ಧರ್ಮದ ವೃಕ್ಷ, ದುರ್ಯೋಧನನು ಕ್ರೋಧದ ವೃಕ್ಷ ಎಂದು ಹೇಳಿದೆ. 5)ಭೀಮ : ಕುಮಾರವ್ಯಾಸನ ಕೃಷ್ಣನ ಪಾತ್ರದಂತೆ ಭೀಮನು ಅತಿ ವಿಶಿಷ್ಟದ ವ್ಯಕ್ತಿತ್ವವುಳ್ಳವನು ಆಗಿದ್ದಾನೆ, ಶಿಶು ಆಗಿದ್ದಾಗ ತಾಯಿಯ ತೊಡೆಯಿಂದ ಕೆಳಗೆ ಬಿದ್ದಾಗ ಬಂಡೆಯೇ ಪುಡಿ ಪುಡಿ ಆಯಿತಂತೆ. ಮೊದಲಿಂದಲೂ ಇವನಿಗು ಕೌರವರಿಗು ವಿರೋಧ ಬೆಳೆಯಿತು, ಬಾಲ್ಯದ ಅತಿರೇಕವೇ ಹೊರತು ದ್ವೇಷವೇನು ಇಲ್ಲ, ಕೌರವರು ಭೀಮನನ್ನು ಕೊಲ್ಲಲು ವಿಷ, ನೀರುಗಳನ್ನು ಬಳಸಿದರೂ ಅವು ಭೀಮನನ್ನು ಏನು ಮಾಡಲಿಲ್ಲ. 6)ಅರ್ಜುನ : ಕೃಷ್ಣನು ನಾರಾಯಣನ ಅವತಾರ ಆಗಿದ್ದರೆ, ಅರ್ಜುನನು ನರಮಹರ್ಷಿಯ ಅವತಾರ ಇಬ್ಬರು ವಿಷ್ಣುವಿನ ಅಂಶ ಸಂಭೂತರು. ಮಹಾಭಾರತದಲ್ಲಿ ಅರ್ಜುನನು ಮಧ್ಯಮ ಪಾಂಡವ ಅತ್ಯುತ್ತಮ ಬಿಲ್ಲುಗಾರ, ಮತ್ತು ಕೃಷ್ಣನ ಆಪ್ತ ಸ್ನೇಹಿತ. ಯುದ್ಧದ ಸಂದರ್ಭದಲ್ಲಿ ಸಂಬಂಧಿಕರ ವಿರುದ್ಧ ಹೋರಾಡಬೇಕಾದ ನೈತಿಕ ಸಂಕಟಕ್ಕೆ ಸಿಲುಕಿದ್ದನು, ಆದರೆ ಕೃಷ್ಣನ ಉಪದೇಶದಿಂದ ಧರ್ಮದ ಮಾರ್ಗವನ್ನು ಆರಿಸಿಕೊಂಡನು. ಯುದ್ಧದ ಆರಂಭದಲ್ಲಿ ಅರ್ಜುನನ ನೈತಿಕ ಗೊಂದಲಗಳನ್ನು ನಿವಾರಿಸಿ, ಧರ್ಮ, ಕರ್ತವ್ಯ ಮತ್ತು ಆತ್ಮದ ಬಗ್ಗೆ ಕೃಷ್ಣನಿಂದ ಭಗವದ್ಗೀತೆಯ ಜ್ಞಾನವನ್ನು ಪಡೆದನು. 7)ನಕುಲ ಮತ್ತು ಸಹದೇವ : ಮಹಾಭಾರತದಲ್ಲಿ ನಕುಲ ಮತ್ತು ಸಹದೇವ ಪಾಂಡವರ ಅವಳಿ ಸಹೋದರರು, ಮಾದ್ರಿ ದೇವಿಗೆ ಅಶ್ವಿನಿ ದೇವತೆಗಳಿಂದ ಜನಿಸಿದವರು; ಇವರು ಅತ್ಯಂತ ಸುಂದರ ಮತ್ತು ಬುದ್ಧಿವಂತ ಪಾಂಡವರಾಗಿ, ಕುದುರೆಪಾಲನೆ, ಆಯುರ್ವೇದ, ಕತ್ತಿವರಸೆ ಮತ್ತು ಭವಿಷ್ಯ ಹೇಳುವ ಕೌಶಲ್ಯಗಳಲ್ಲಿ ನಕುಲ ಸಹದೇವ ಇಬ್ಬರು ಪ್ರವೀಣರಾಗಿದ್ದರು, ಯುಧಿಷ್ಠಿರನ ಆಡಳಿತದಲ್ಲಿ ಸಚಿವರಾಗಿ ಕಾರ್ಯನಿರ್ವಹಿಸಿ, ಕುರುಕ್ಷೇತ್ರ ಯುದ್ಧದಲ್ಲಿ ಧೀರ ಯೋಧರಾಗಿ ಮಹತ್ವದ ಪಾತ್ರ ನಿರ್ವಹಿಸಿದರು. 8)ದ್ರೌಪದಿಯು ಕೇವಲ ಒಬ್ಬ ರಾಣಿಯಷ್ಟೇ ಅಲ್ಲದೆ, ಅಪಾರ ಪಾಂಡಿತ್ಯ, ಧೈರ್ಯ ಮತ್ತು ಸ್ವಾಭಿಮಾನದ ಸಂಕೇತವಾಗಿದ್ದಾಳೆ. ಮಹಾಭಾರತ ಯುದ್ಧ ನಡೆಯಲು ಮತ್ತು ಅಧರ್ಮದ ವಿನಾಶಕ್ಕೆ ಅವಳ ಮೇಲಾದ ಅನ್ಯಾಯವೇ ಪ್ರಬಲ ಕಾರಣ ಆಯಿತು. 9)ದುರ್ಯೋಧನ: ಮೂಲ ಮಹಾಭಾರತದ ಆರಂಭದಲ್ಲಿ ದುರ್ಯೋಧನನು ಕ್ರೋಧದ ವೃಕ್ಷ ಮತ್ತು ಅಹಂಕಾರದ ಸಂಕೇತ ಎಂದು ಹೇಳಿದೆ. ಮಹಾಭಾರತದಲ್ಲಿ ದುರ್ಯೋಧನನು ಧೃತರಾಷ್ಟ್ರ ಮತ್ತು ಗಾಂಧಾರಿಯ ಹಿರಿಯ ಮಗ ಕೌರವರ ನಾಯಕ, ದುರ್ಯೋಧನ ತಾನು ಎಲ್ಲರಿಗಿಂತ ಮೇಲು ಎಂದು ಭಾವಿಸುತ್ತಿದ್ದ, ಮತ್ತು ಅಧಿಕಾರಕ್ಕಾಗಿ ಅಧರ್ಮದ ಮಾರ್ಗವನ್ನು ಹಿಡಿದನು. ಕೌರವರ ನಾಯಕನಾಗಿದ್ದನು ಮತ್ತು ಯುದ್ಧದ ಪ್ರಮುಖ ರೂವಾರಿಗಳಲ್ಲಿ ಒಬ್ಬನಾಗಿದ್ದ, ಪಾಂಡವರ ಬಗ್ಗೆ ಅವನ ನಿರಂತರ ದ್ವೇಷ ಮಹಾಭಾರತದ ಮುಖ್ಯ ಸಂಘರ್ಷಕ್ಕೆ ಕಾರಣ ಆಯಿತು 10)ದುರ್ಯೋಧನ ಅಹಂಕಾರದ ಪ್ರತೀಕವಾದರೆ ಕರ್ಣನು ಮಮಕಾರದ ಪ್ರತೀಕ. ನನ್ನದು ಎಂಬ ಮೋಹ ಯಾವ ಜೀವಿಯನ್ನು ಬಿಟ್ಟಿದೆ? ಅದಕ್ಕೆ ಕರ್ಣನ ಪಾತ್ರ ಎಲ್ಲರ ಸಹಾನುಭೂತಿ ಅನುಕಂಪಗಳಿಗೆ ಪಾತ್ರವಾಗಿದೆ. ಎಲ್ಲವೂ ಈಶವಾಸ್ಯ ಎಂದಮೇಲೆ ಮಮಕಾರ ಉಳಿಯುವುದಾದರು ಹೇಗೆ? ಕರ್ಣನು ಅಧರ್ಮದ ಪರವಾಗಿದ್ದರು, ಅವನ ನಿಷ್ಠೆ, ತ್ಯಾಗ ಮತ್ತು ದಾನಗುಣದಿಂದಾಗಿ ಇಂದಿಗೂ ಭಾರತೀಯ ಮಹಾಕಾವ್ಯದ ಅತ್ಯಂತ ಪ್ರದರ್ಶನೀಯ ಮತ್ತು ಗೌರವಾನ್ವಿತ ಪಾತ್ರಗಳಲ್ಲಿ ಒಂದಾಗಿದೆ. 11)ಮಹಾಭಾರತದಲ್ಲಿ ಅಭಿಮನ್ಯು ಒಬ್ಬ ಅತ್ಯಂತ ಪರಾಕ್ರಮಿ ಮತ್ತು ಧೀರ ಯುವ ಯೋಧ. ಅಭಿಮನ್ಯು ಅರ್ಜುನ ಮತ್ತು ಸುಭದ್ರೆಯ ಮಗ ಅಂದರೆ ಕೃಷ್ಣನ ತಂಗಿ ಮಗ ಮತ್ತು ಕೃಷ್ಣನ ಪ್ರೀತಿಯ ಸೋದರಳಿಯ. ಅಭಿಮನ್ಯು ತಾಯಿಯ ಗರ್ಭದಲ್ಲಿದ್ದಾಗಲೇ ಯುದ್ಧದ 'ಚಕ್ರವ್ಯೂಹ'ವನ್ನು ಪ್ರವೇಶಿಸುವ ವಿದ್ಯೆಯನ್ನು ಕಲಿತಿದ್ದನು. ಕೇವಲ 16 ವರ್ಷದ ಬಾಲಕನಾಗಿದ್ದರೂ, ಕುರುಕ್ಷೇತ್ರ ಯುದ್ಧದ 13 ನೇ ದಿನದಂದು ದ್ರೋಣಾಚಾರ್ಯರು ರಚಿಸಿದ ಭೇದಿಸಲಾಗದ ಚಕ್ರವ್ಯೂಹವನ್ನು ಪ್ರವೇಶಿಸಿದನು ಕೊನೆಗೆ ಕೌರವ ಸೈನ್ಯದ ಏಳು ಮಂದಿ ಮಹಾರಥಿಗಳು ಒಟ್ಟಾಗಿ ನಿಯಮಬಾಹಿರವಾಗಿ ಅವನನ್ನು ಸುತ್ತುವರಿದು ಕೊಂದರು. 12)ಮಹಾಭಾರತದಲ್ಲಿ ಸರ್ಪಗಳು ಪ್ರಮುಖ ಪಾತ್ರವಹಿಸುತ್ತವೆ, ಮುಖ್ಯವಾಗಿ ತಕ್ಷಕ ಎಂಬ ನಾಗರಾಜನ ಪಾತ್ರವು ಪರೀಕ್ಷಿತನ ಸಾವಿಗೆ ಕಾರಣವಾಗಿ, ಜನಮೇಜಯನ ಸರ್ಪ ಯಜ್ಞಕ್ಕೆ ನಾಂದಿಯಾಯಿತು; ಈ ಯಜ್ಞವನ್ನು ಆಸ್ತಿಕನು ತಡೆದಾಗ ಸರ್ಪಗಳೊಂದಿಗೆ ಕುರುಗಳ ನಡುವಿನ ಸಂಘರ್ಷ ಕೊನೆಗೊಂಡು ಶಾಂತಿ ನೆಲೆಸಿತು. ಸರ್ಪಗಳು ಕೇವಲ ಶಾಪಗ್ರಸ್ತ ಪಾತ್ರಗಳಾಗಿರದೆ, ಅವುಗಳೊಂದಿಗೆ ಸಂಬಂಧಿಸಿದ ದಂತಕಥೆಗಳು ಮತ್ತು ಶಾಪಗಳ ಮೂಲಕ ಮಹಾಭಾರತದ ಕಥೆಯ ಮಹತ್ವದ ತಿರುವುಗಳಿಗೆ ಕಾರಣವಾಗುತ್ತವೆ. #KUMARAVYASABHARATACAST #KUMARAVYASABHARATACHARACTERS #MAHABHARATACAST #mahabharatacharacter #mahabharatacharacters #gaduginabharatacast #kannadamahabharatacharacters #kannadamahabharatacharacters #ಕುಮಾರವ್ಯಾಸಭಾರತಪಾತ್ರವರ್ಗಗಳು #ಕರ್ಣಾಟಭಾರತಕಥಾಮಂಜರಿ #ಕರ್ಣಾಟಭಾರತಕಥಾಮಂಜರಿಪಾತ್ರವರ್ಗಗಳು #ಮಹಾಭಾರತಪಾತ್ರವರ್ಗಗಳು #ShriKrishna #BhagavadGita #Kurukshetra #Dharmaraya #Krishna #Arjuna #Karna #Bhishma #Draupadi #Pandavas #Duryodhana #Drona #GuruDronacharya #kouravas #ಕೌರವರು #ಪಾಂಡವರು #ಕುಮಾರವ್ಯಾಸಭಾರತ #ಅಭಿಮನ್ಯು #JNANABHOOMIKANNADA