Му го запалиле кафулето по барање од колега, експравобранителот на РСМ А. Речи трага по нарачателите

Двајцата пиромани на рочиштата одржани во Основниот суд во Охрид признаа вина и посочија кое лице вработено во Државното правобранителство им побарало „помош“. Сведочеа дека не добиле пари, туку помогнале од другарски побуди. Поранешниот државен правобранител на РСМ, Агрон Речи, а сега само правобранител за подрачјето на Охрид, се сомнева дека вистинските нарачатели се меѓу поранешни високи политички функционери, односно групации. Но, независно од можните нарачатели на пожарот кој се случи во период кога беше шеф на Државното правобранителство, тој за „360 степени“ тврди дека во институцијата постои самоволие и непрофесионализам меѓу дел од кадарот кој треба да ги штити интересите на државата