इमामे हुसैन (अ.स.)यांच्या सवारीची स्थापना; सर्वधर्मीय भाविकांची दर्शनासाठी गर्दी"

#alamgirnewsahmednagar ‪@znewslive24‬ ऐतिहासिक मोहर्रम उत्सव : कोटला परिसरात इमाम हुसेन यांच्या सवारीची स्थापना (अहमदनगर), दिनांक 21 जून 2026अहमदनगर शहरातील ऐतिहासिक कोटला परिसरातील छोटे इमाम येथे बारा इमाम ट्रस्टच्या वतीने मोहर्रमच्या पाचव्या दिवशी, रविवारी (दि. 21 जून) मगरीबची नमाज अदा केल्यानंतर इमाम हुसेन (अलेह सलाम.) यांच्या पवित्र सवारीची विधिवत स्थापना करण्यात आली. अहमदनगर शहरातील मोहर्रम उत्सवाला ऐतिहासिक व धार्मिक महत्त्व असून, दरवर्षीप्रमाणे यंदाही मोठ्या श्रद्धा व भक्तिभावाने सवारीची स्थापना करण्यात आली."सवारी स्थापनेनंतर बारा इमाम ट्रस्टच्या वतीने इमाम हुसेन (अ.स.) यांच्या स्मरणार्थ गुलाब पुष्पांची चादर अर्पण करण्यात आली. यावेळी उपस्थित भाविकांनी श्रद्धापूर्वक फातेहा पठण करून देशात शांतता, सौहार्द आणि सर्वांच्या कल्याणासाठी प्रार्थना केली. धार्मिक वातावरणात हा कार्यक्रम संपन्न झाला." या प्रसंगी उपविभागीय पोलिस अधिकारी डॉ. दिलीप टिपरसे, ॲडव्होकेट शिल्पा राजपुत व वक्फ अधिकारी इमरान शेख यांचा शाल श्रीफळ पुष्पगुच्छ देऊन दर्गाह हजरत पीर बारा इमाम ट्रस्टच्या नवनिर्वाचित विश्वस्त मंडळाचे वतीने सत्कार करण्यात आला. तसेच बारा इमाम ट्रस्टचे पदाधिकारी, विश्वस्त आणि भाविक मोठ्या संख्येने उपस्थित होते. यावेळी दर्गाह हजरत पीर बारा इमाम ट्रस्टच्या नवनिर्वाचित विश्वस्त मंडळाचे सय्यद इलियास इसामोद्दीन जहागीरदार, तनवीर रशीद बागवान, शेख मुजाहिद हुसेन, सय्यद परवेज इलियास जहागीरदार पिरजादे, नासिर गनी खान,सभासद मध्ये सय्यद निजामुद्दीन सय्यद इसामुद्दीन जहागीरदार पिरजादे, सय्यद आवेज जहागीरदार, सय्यद मोहसिन जहागीरदार, कदीर खान,मुजाहिद पिरजादे,सय्यद उबेद जहागीरदार, सय्यद सुलतान जहागीरदार,सय्यद हुजैफ जहागीरदार,शाहीद जहागीरदार, सय्यद वसीम,बाबु शेख, सय्यद शोएब,शाहीद भाई, सय्यद रीयाज बाबा,सवारीची स्थापना झाल्यानंतर भाविकांना दर्शनासाठी खुले करण्यात आले असून, सर्व धर्मीय भाविक दर्शनासाठी मोठ्या संख्येने उपस्थित राहत आहेत. यावेळी माध्यमांशी बोलताना विश्वस्त इलियास इसामोद्दीन जहागीरदार पिरजादे म्हणाले की, "मोहर्रम हा शांतता, त्याग, मानवता आणि बंधुभावाचा संदेश देणारा उत्सव आहे. या धार्मिक सोहळ्याच्या यशस्वी आयोजनासाठी महानगरपालिका प्रशासन, पोलीस प्रशासन तसेच सर्व नागरिकांनी सहकार्य करावे. सर्वांच्या सहभागातून हा ऐतिहासिक उत्सव अधिक शिस्तबद्ध व उत्साहपूर्ण वातावरणात पार पडेल." कोटला परिसरात आकर्षक विद्युत रोषणाई, धार्मिक कार्यक्रम आणि भाविकांची मोठी उपस्थिती यामुळे मोहर्रम उत्सवाला विशेष उत्साहाचे वातावरण निर्माण झाले आहे. प्रशासनाकडूनही सुरक्षेच्या दृष्टीने आवश्यक व्यवस्था करण्यात आली असून भाविकांनी शांतता व सौहार्द कायम राखण्याचे आवाहन करण्यात आले आहे.