عادة المطران - عناد الشيباني - خالد ال بريك 2025

من ضغوط الحياه اللي توديني يسار يمين ياربي جعل صدري فالزمن ما ينكشف سده اغض الطرف عن ضحك السفيه وهرجةالمسكين ولو كل الكلام اللي يقوله عارفٍ رده واقول الله يجملني مع الاقصين والادنين ولا يجعلني من اللي يصعر لـ العرب خده اداري كل خاطر .. واتجنب كل ردٍ شين ولا استغرب ليا هواجت لي هجمات مرتده وانا قد قلت ماعندي لـ صدمات البشر تامين واخاف ازعل واقول اللي زعل يشرب بحر جده ليا مني قدرت اراضي اللي قبل زعلانين لقيت اللي قبل راضي من الضيقه وصل حده احاول قد ماقدر واجتهد مع ربعي الغالين واحب الطيب ولو ما اعرفه كنه من البده وانا لامن دعاني واحدٍ طيب كريم يمين اقول ابشر بعزك والسنافي ما عنه صده مطيريٍ من المطران طيب راس واحمر عين يجمل فالمواقف ويتبين حزة الشده جذبنا ياولد ميزان يمك مرحبا واهلين وفعلٍ يطرب اللي يعرف اهل الطيب ويشده تباها والبس البشت الحساوي ليلة الاثنين وحنا كلبونا ننتظر حفلك لنا مده يا نواف ابن متعب يا القحم يا معرب الجدين يحق الك الفخر واللي مثل شرواك من قده ابوك متعبٍ جيله .. بطيبه والجناب الزين على منهاج ابوه اللي خذاه العود من جده على والنعم يتعب ويتجمل كل حال وحين يجود بـ كل ما يملك لو ان ظروفه تحده وهذي عادة المطران في وقت القسى واللين مطير امجادهم في عالم الامجاد ممتده مطير اهل الكرم واهل الفخر والمرجله والدين واهل طاله واهل قاله واهل تاريخ وأشده