مقدم سهوم المنايا 🔥 | مهداه الى الشيخ عبدالله بن ساير الهذيلي | عبدالله الهذيلي- جفران بن هضبان 2025

دورو لي خطٍ اسود سكته ماهي قريبه لين اجيب الندر الي كلها زين ومزايا لا سريت الليل الاظلم والجبل لا اوحيت ذيبه كن عوي الذيب في راسي يحرك له خلايا اتهيض لا سمعت الذيب واقنب مع قنيبه وادعس كبار الافاعي وادعس كبار الحيايا البنادم في حياته ما يجيه الا نصيبه والمحنك يدرك الواقع مايبغاله وصايا من جرح له جرح يبلش به قبل يبلش طبيبه واول الطب القناعه واخر الطب الكوايا ابتسم للوقت والدنيا تجيب الي تجيبه واتكل بالله يبى يعطيك من جزل العطايا بيني وبين الشعر واهل الشعر قصه عجيبه تخطف انظار الرواه وتنروا قبل الروايا عشتها عشر سنوات وزود فالاجواء الرهيبه ويش اعد امن الظروف ويش اعد امن الضحايا كن في صدري سلاحٍ يحرسه مدري يصيبه والقذايف كلما ثارت يطير لها شظايا فالنظم ولا ليا غنيت قافٍ ببتديبه اتعنصر مع بني عمي حميدين السجايا ويا سلام الله على ذاع بين الناس طيبه شيخٍ يعسف الصعاب وجاهه يحل القضايا ابن ساير فزعة المضهود سيفٍ ينغزيبه حاتم هذيل البقوم ومقدم سهوم المنايا كافل الايتام جعل الله بما سوا يثيبه تنشر البيضاء لعبدالله ويصرف له تحايا له قبول وله وقار وفيه عز وفيه هيبه فالكرم سوا مثل حاتم وسواله سوايا يعتني بالجار والعاني وضيفه يعتنيبه مجلسه مليان دايم من بعيدين النهايا ينفض الي في حسابه مايفكر فالضريبه فالوفاء ماله شبيه وفالكرم ما ينتنايا حاتميٍ ذاخرينه للمواقيف الصعيبه جزل كفه لا عطت تشبه لاهمال الرفايا لو تبنى امة محمد مالقيت الي يعيبه ادركوا طعم الحياه وعاشوا بطيب النوايا سعد عين الي نصاه وفزعة الي ينتخيبه كنه ربي وكله يجزع ويفزع للبرايا ماتردا فالبعيد ولا تردا في قريبه سمعته تجلا الهموم وقفته ترو الضمايا فالديات يحرر الشيكات ويفرج مصيبه ويفرح المسجون لاعض النواجد بالثنايا القبايل للمهمات الكبيره تعتزيبه ولا يدور للمديح ولا يدور للهدايا فالمراجل كنه القايد لا شكله كتيبه امره يهز الصفوف وفعله يهز السرايا والعلوم الطيبه ف ابو بدر ماهي غريبه ذا ولد رمزٍ يجيه المدح من كل النحايا ابن بين لا بطش خصمه يبشر بالغليبه جعل ربي يرحمه عقب مطانيخ ودهايا وطيب عبدالله وراثي ونتقدم نكتفيبه يقلط بصدر المجالس مايقلط فالزوايا اشكره واشيد به في كل ماقف واقتديبه ابقميٍ يطبخ راسه سعاطير وحمايا