தேவன் சாபத்தை ஆசீர்வாதமாக மாற்றுகிறார் (எசேக்கியேல் 36 14)

எசேக்கியேல் 36:14 "நீ இனிமேல் மனுஷரைப் பட்சிப்பதுமில்லை, இனிமேல் உன் ஜனங்களைச் சாகக்கொடுப்பதுமில்லை என்று கர்த்தராகிய ஆண்டவர் சொல்லுகிறார்.” ஒருவேளை உங்கள் குடும்பம் தொடர்ந்து கண்ணீர் காணும் குடும்பமாக இருக்கலாம். உங்கள் வேலை, தொழில் அல்லது உடல்நிலை தொடர்ந்து தோல்வியைச் சந்தித்துக் கொண்டிருக்கலாம். மற்றவர்கள் உங்கள் வாழ்க்கையைப் பார்த்து, "இவருக்கு எதுவும் சரியாக நடக்காது" என்று சொல்லியிருக்கலாம். ஆனால் தேவன் இன்று உங்களிடம் கூறுகிறார்: "இனி அது அப்படியிருக்காது!" உங்கள் வாழ்க்கையை அவர் மாற்ற வல்லவர். சாபத்தை ஆசீர்வாதமாகவும், கண்ணீரை சந்தோஷமாகவும், தோல்வியை வெற்றியாகவும் மாற்றுகிறவர் நம் தேவன். ஆகவே கடந்த காலத்தை அல்ல, தேவனுடைய வாக்குத்தத்தத்தைப் பற்றிக்கொள்ளுங்கள்.