Khit Thit Afternoon News |18 July 2026

Khit Thit သတင်းဌာန၏ ဇူလိုင် ၁၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ ကရင်ပြည်သူတွေကြား ထောက်ခံမှုမြင့်မားပြီး မြန်မာစစ်တပ်ကို ပြတ်ပြတ်သားသား ဆန့်ကျင် တိုက်ခိုက်နေ တဲ့ ဗိုလ်ချုပ်ကြီးဘောကျော်ဟဲကို KNLA ရဲ့ စစ်ဦးစီးချုပ် (Commander-in-Chief) အသစ်အဖြစ် ခန့်အပ်လိုက်တယ်လို့ ကရင်စစ်ရေးသတင်းရင်းမြစ်ရဲ့ ပြောပြချက်နဲ့ ထိုင်းသတင်းဌာန The Reporter ရဲ့ သတင်းဖော်ပြချက်အရ သိရပါတယ်။ -စစ်ကိုင်းတိုင်း၊ ကန့်ဘလူမြို့နယ်၊ ကျီကုန်း -ကားဘိုးလမ်းပေါ်မှာ ခရီးသွားပြည်သူတွေဆီက ဆက်ကြေးကောက်နေတဲ့ စစ်ကောင်စီတပ်သားတွေကို တိုက်ခိုက်ခဲ့တာကြောင့် စစ်သား ၅ ဦး သေဆုံးခဲ့တယ်လို့ ပကဖ အသံက ထုတ်ပြန်ထားပါတယ်။ -စစ်ကိုင်းတိုင်း၊ မုံရွာမြို့နယ်မှာ အကြမ်းဖက်စစ်အုပ်စုက နေ့စဥ်ရက်ဆက် မြို့ကိုပတ်ပြီး ဆိုးဆိုးရွားရွား ပေါ်တာဆွဲနေတဲ့အတွက် ရာပေါင်းများစွာသော လူငယ်တွေ ဖမ်းဆီးခံထားရပြီး စစ်သားစုဆောင်းခံ နေရတယ်လို့ ဒေသတွင်းသတင်းရင်းမြစ်တွေဆီက သိရပါတယ်။ အမေရိကန်နဲ့ အီရန်တို့ကြား စစ်ရေးတင်းမာမှု ပိုမိုပြင်းထန်လာနေတဲ့အချိန်မှာ အမေရိကန် မရိန်းတပ်ဖွဲ့ဝင်တွေက ဟော်မုဇ်ရေလက်ကြားအနီး ရေနံတင်သင်္ဘောတစ်စင်းပေါ် ဝင်ရောက်စစ်ဆေးခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။