Top News/ ‘Flagranca’, arrestohet 25 vjeçari në Durrës/Kërcënonte përmes celularit,kërkonte 5 mijë $

Një 25-vjeçar nga Durrësi Bernardo Doçi, u kap në flagrance nga policia ndërsa po merrte përmes shantazhit shumën e 5 mijë dollarëve, në një Iokal në zonën e plazhit ku i riu kishte kërkuar të takohej me një person të cilin e shantazhonte për shumë kohë. Në shenjestër të 25-vjeçarit ishte vënë një 42-vjeçar. Bernardo Doçi u arrestua gjatë operacionit policor të koduar “Flagranca". Ai kanoste vazhdimisht nëpërmjet celularit shtetasin 42-vjeçar, për t’i dhënë para, dhe policia organizoi punën duke ndërhyrë në kohë. Shërbimet e arrestuan të riu në flagrancë teksa po i merrte 5000 dollarët në lokal. 42 vjeçari ishte kanosur disa herë, nëpërmjet celularit, për dhënie parash. I kthyer në problem real përmes kanosjes së jetës dhe pasurisë, i shantazhuari ka kërkuar ndihmën e policisë e cila ka ndërhyrë në kohën e dorëzimit të parave, aty ku u be dhe arrestimi. Sipas njoftimit nga policia, sapo është marrë kallëzimi se një shtetas shantazhohej për të dhënë para, specialistët për Hetimin e Krimeve ndaj Personit dhe Pasurisë dhe ata të Forcës së Posaçme Operacionale të DVP Durrës kanë organizuar punën në kuadër të megaoperacionit “Sundimi i ligjit”, dhe kanë ndërhyrë menjëherë për të bërë të mundur arrestimin e autorit. Shuma e parave është sekuestruar si provë materiale, ndërsa materialet procedurale I kanë kaluar Prokurorisë pranë Gjykatës së Shkallës së parë të Juridiksionit të Përgjithshëm Durrës, për veprime të mëtejshme. Ndaj të arrestuarit janë ngritur akuzat për veprën penale "Shtrëngimi me anë të kanosjes ose dhunës për dhënien e pasurisë". Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Durrës#Arrestim#TopChannel