IBIKORWA BY'INDASHYIKIRWA EAR DIYOSEZE YA CYANGUGU YAGEZEHO IYOBOWE NA BISHOP FRANCIS KAREMERA

INSHAMAKE Y’IBIKORWA BY'INDASHYIKIRWA EAR DIYOSEZE YA CYANGUGU YAGEZEHO IYOBOWE NA BISHOP FRANCIS KAREMERA 2019-2024. TURATENGAMAYE! Umuvugo: Turatengamaye by Jonas-Boneza Ball 1.Iwawe intama turatengamaye Iwacu mu rwuri turishimanye Iwabo w'abizera turakataje Imana n'abacu turi kumwe Imihigo myiza turayikomeje. 6.Iyo twarazwe tutaracumura Itwomaho na nyuma y'ibiza Ibyo byaha byari kuturimbura Imana ikiza iduha umushumba Iteka aradukiza atuyobora aheza. 11.Aheza twicaye tuvuga ibyo byiza Aha ducumbitse turamya inziza Ahari abamarayika bakora ibyiza Abahanyuze baharaniye ubudatuza Abadukorera mungata birabanezeza. 16.Irebere rwose mushumba mwiza Ibyo bibondo n'urubyiroko biseka Itegereze abo bategarugori beza Izo ntambwe z'abagabo bashima Ingo nziza zinezeza Imana ikora. 21.Iyo n'imirimo y'amaboko mazima Iwabo w'abo bazima buzuzanya Imirima ikarumbuka tugasarura Imiryango myiza mu itorero rishima Igihu cyacu cyiza cyuje iyo migisha. 26.Iyo wadusabiye turayigushimira Imigisha itagimba irakaduhama Iteka turakayibuka tuyisigasira Ituma mu rwuri dutengamara Iwacu ntiteze guhungabana. 31.Amagambo meza adusetsa Amasomo anoze adukosora Amaboko akora atwubaka Amateka avuga ubutumwa Adusigiye impamvu zishima. 36.Intabwa wataruye twatakaye Intambwe intore nziza yadutoje Iyo wateze amatwi yarakuturagije Iwacu kwa Kristo Umwami twibutse Iriba ry'umunezero twagomororewe. 41.Iryashibutse mu itongo ryuje amarira Iryibuka abaraye amajoro badasinzira Irimara inyota abanyuze muri izo nzira Iryaharuriye abarigana imihanda mizima Iryo rirakaramba iteka tuzarisiga ari rizima. 46.Irivomerera urwuri rugatoha duhuza Intambwe z'abarazwe kurwuhirira Iritanga ubu buzima Ntama w'Imana Isi yabonye ubutayu bwera imyaka Imisozi n'ibibaya bisaga inkuru nziza. 51.Rimwe impfubyi twagannye tuganya Rya rindi abapfakazi twisunze turira Rurema abakene turaza aratugoboka Rya joro ry'amarira ricya turirimba Rya shimwe ry'ineza abeza twibuka. 56.Iryo niryo ryiza duteruye mushumba mwiza Iryo riba wasigasiye n'intore nzima ukunda Izigukundira uko wazirindaga amapfa, Inzara n'icyaka iwacu rwose ni kirazira Ibyonnyi mu rwuri nta birura muntama 61.Inkoni wagabiwe yo kuturinda hose Ijambo ryo kuduhumuriza hose Iryo wasutse kurwuri rutoshye Iritwuzuye tuzarisakaza hose Isi irifite izarisazana iryoshye. 66.Iriguteje iy'abakuru ugitoshye Iyo ntambwe abato turayisabye Iyo migisha ukidusabira irakwiye Ibyiza n'ijuru ryiza turabigusabiye Imana izakwitura ibyo wayikoreye. 71.Mushumba mwiza uhawe impeta Muntore ugabiwe iy'ubwo bubasha Muri urwo rwuri ikaze uraze wisanga Muntama iyo mihigo dukomeje kuyesa Mu ngoro nziza y'Imana turacyayishimira. 76.Iyi ntambwe idatereye mubusabusa Ije kuzuza iz'indashyikirwa yongera Imvura n'umucyo bikwiye mumyaka Intama mu rwuri amahoro mumitima Ijwi twarariguhaye ngo utuyobore aheza. 81.Imana yashoboje ibyiza abeza bakubanjirije Ibyo twagezeho twishimye iyabituremeye Iracyabidushoboza ntakiriho cyayinaniye Isengesho n'ibi biganza byacu hamwe Izadushoboza byinshi turayiringiye. 86.Iriba ry'ibyiringiro rirakadusendera Imishinga iwacu irakomeze gutoha Iy'amasomero n'amavuriro tugana Iragoboke abatishoboye batugana Iratuzamuremo ikuzo ry'idukunda. 91.Imivugo n'imbyino turakabihorana Indirimbo n'impundu birakadusaga Impano y'ubuzima iraduhoze aheza Ibiganza byasizwe ya mavuta meza Igikundiro cy'Imana kirahore kibisaga. 96.Amahoro Imana itanga arenze byose Abantu twibwira azaturindire ahose Azadukize anadukomeze muri byose Azatwuzuzeho imigisha dusaba yose Azatwuzuze n'Imana none n'iteka ryose.