IMANA 4. INDIRIMBO NDUNDI ZA YOZEFU MWERANDA 1-7. ABAFRERE BENEYOZEFU B’UBURUNDI. EKLEZIYA GATOLIKA

IBIRÍMWO 1. Yōzěfu Mwērānda murezi wa Yězu (08:16) 2. Yěwe Yōzěfu Mwērānda dufashe (03:19) 3. Uri umurezi mwĩza […] Yōzěfu (07:36) 4. Turagushemeza Yōzěfu Mwērānda (04:02) 5. Yōzěfu Mwěne Dawúdi komeza urère (08:11) 6. Tūnga tūnga abâna bāwe Yōzěfu (02:52) 7. Yōzěfu mu mugǎmbi w’Îmâna (09:13) Ndaguhaye bgakeye. Izi ndirimbo indwi (07) za mbere ni izigize urutonde rw’indirimbo 15 naronkejwe n’abanywanyi b’ikiganiro « Ikirundi c’Abarundi ». Ico ciyumviro nakigize ari uko nshaka gutererera Abeneyozefu nakuriyemwo. @1) Navukiye mu muryango harimwo Umufurere mweneyozefu kandi akuze. Yitwa Frere Mweneyozefu oascal Nzeyimana. Jewe navutse aza yaramaze kwinjira inovisiya. Yagiye kuburonka mu 1970 nza ndiho nônswa ngahekwa na mawe Binyongori Gaudelia (1916-2018). Ubu abumazemwo imyaka 51. Yaranzwe n’Ugukwiragiza yezu Munyakigongwe. @2) Amashule y’intango nayize mu Gataba. Ni ishule rikukira Abafrère Beneyozefu. Twarabga N’Umufrere yitwa Domiko-Saviyo. @) Ngiye mu Giheta gheta umwami n’abagabo, hoho naciye nigishwa n’Umufrere yitwa Nicodème hanyuma ishule ryose ryari rirongowe n’Umufrere yitwa Frere Athnase Gahungu yahavuye agandagurwa mu 1993 n’abanyeshule b’ishule rikukira abo Bafrere nyene. @) Ngiye i Gatara mu Kayanza na ho, nari kw’ishue rirabga n’Abafrère Beneyozefu aho naciye ndongorwa n’uwitwa Frère Emmanuel Nyawenda yahavuye aba Umwubahwa Frère Mukuru wa bose. Hariho n’Umufrere yitwa Jean Marie Vianney. Abanyeshule bamwe bamwe bamutazira « Bulongo ». Yari yaryiswe n’Abanyeshule b’abana b’abantu ngo « Bulongo » ni « Ivyondo, ni Mugufi ni na Mubi kuko acafuye». Uribuka ko ari n’abo basekuruza babo bise Umwami Ntare ngo « Rufuku ». Uwo Ntare ni wa Mwami wa mbere w’Uburundi yaja kuzanwa na Mitimigamba mu Bujiji (Buha, Tanzaniya y’ubu). Nta ho kagiye rero. Burya, ibintu bibi bitaranduranywe n’imizi birazana imihonyo hanyuma bikagaruka ukuri kwamye. @) Ngiye mu Rusengo na ho nyene niga kw’ishule ry’Abafrere Beneyozefu. Ni aho Bagaziyica (Bagaza) yari yabamereye nabi, ni bo badufasha vyinshi. @) Muri Kaminuza amacakubiri yabaye ndanse bakanka ko Abahutu baja mu ndaro, nahakuwe n’Abafrere beneyozefu baba kuri Gourmet mu Gisagara ca Bujumbura. Barabaye barampa indaro imbere y’uko ngira amagendera ngo ndabe ko nokwemererwa kuja kurara muri Kaminuzaco. @) Ubu aha mba muri Canada, ni Abafrere Beneyozefu badusomera imisa y’ikirundi. Umupatiri w’Umufrere Mweneyozefu abari imbere mu kutuba hafi ni Umunyagiheta yitwa Frere Patiri Pascal Nizigiyimana. None rero Bafrere Beneyozefu, iki ni co nashoboye kubafasha. Hariho ibiganiro 2 nagize bijanye n’igeneerezo rya 19 Ntwarante ry’Umuvunyi w’Abafrere beneyozefu b’Uburundi. Biri ku nyandiko muravyo « Whatspp ». Gwira