கொல்லிமலை பெரியண்ணசாமி கோவில் மாசி தேரோட்டம் |kollimalai masi periyanna swamy kovil masi thiruvila |

#kollimalai #aanmeegam #karuppasamy நாமக்கல்: 10-03-2025 பிரசித்தி பெற்ற கொல்லிமலை பெரியண்ணசாமி கோவில் மாசி தேரோட்டம்.... மலைவாழ் மக்கள் பாரம்பரிய நடனமாடி பொங்கல் வைத்து வழிபாடு..... தமிழகத்தின் பல்வேறு மாவட்டங்களில் இருந்து ஆயிரக்கணக்கான பக்தர்கள் பங்கேற்பு.... நாமக்கல் மாவட்டத்தின் மூலிகை சுற்றுலாத் தலமாக கொல்லிமலை விளங்கி வருகிறது. சுற்றுலா மையத்தில் முக்கிய இடமாக மாசி பெரியண்ண சுவாமி திருக்கோவில் ஆரியூர் நாடு பகுதியில் அமைந்துள்ளது. மலை உச்சி மீது அமைந்துள்ள இக்கோவிலில் ஆண்டு தோறும் மாசி திருவிழா வெகு விமர்சையாக கொண்டாடப்படுவது வழக்கம். இதனை ஒட்டி கடந்த 3-ம் தேதி திருவிழா தொடங்கி, சுவாமி ஊர்வலம், பொங்கல் வைத்தல், திருக்கோடி ஏற்றுதல் நடைபெற்றது. முன்னதாக நத்துக்குழிப்பட்டி பகுதியில் இருந்து மலைவாழ் மக்கள் தாரை, தப்பட்டை, கேரள செண்டை மேளம் முழங்க திருக்கோடி எடுத்து வரப்பட்டது. அப்போது ஏராளமான மலைவாழ் மக்கள் கலந்து கொண்டு தங்களது பாரம்பரிய நடனங்களை ஆடி, பாடினர். அதனை தொடர்ந்து பெண்கள் தீர்த்தக்குடம் எடுத்து வந்து பெரியண்ண சுவாமிக்கு அபிஷேகம் செய்யப்பட்டு சிறப்பு பூஜைகள் நடைபெற்றது. இதனை தொடர்ந்து திருக்கோடி ஏற்றுதலும், பொங்கல் வைத்தலும் நடைபெற்றது. பின்னர் மாசி திருவிழாவின் ஒரு மலர்களால் அலங்கரிக்கப்பட்ட தூக்கு தேரை இழுத்து வழிபாடு செய்தனர். இவ்விழாவில் கொல்லிமலையின் பல்வேறு பகுதிகளை சேர்ந்த ஆயிரக்கணக்கான மலைவாழ் மக்களும், பிற பகுதிகளை சேர்ந்த பொதுமக்களும் பங்கேற்று பெரியண்ண சுவாமியை தரிசனம் செய்து சென்றனர். kollimalai temple car