澳門｜趁遊客未到！星期六早上9:30的官也街原來係咁？｜本地人帶路食晃記肉切酥｜激推興記雜扒意粉｜老字號大菜糕、隱藏橫街美食、文青街市｜順便去龍環葡韻睇期間限定荷花節｜自費｜日常Vlog

加入我的youtube會員，每月只需10元，希望大家多多支持    / @853lifemacau   今日係星期六朝早九點半左右，我嚟到氹仔地堡街呢邊散步。可能因為就快打風嘅緣故，今日天氣真係非常悶熱，一出門口就已經成身汗。 首先我會經過氹仔街市，而家街市嘅一樓已經變成一個充滿文青氣息嘅區域，入面有好多特色美食！大家如果嚟到，記得一定要上一樓文青區睇吓。再行前少少，就會見到小飛象葡國餐廳。之前有網友問過我佢哋嘅下午茶優惠做到幾時，雖然店家冇寫明截止日期，但就知道係每日下晝 2:00 到 5:00 供應。 行到入嚟施督憲正街（近山度士／米也馬嘉蘭地前地），呢度有一個幾精緻嘅小公園，旁邊仲有大名鼎鼎嘅大利來記豬扒包——其實佢哋喺官也街同其他地方都有好多分店。 接住下來，我準備行落去官也街。可能因為時間仲早，條街暫時未有好多遊客，今日終於可以慢慢運鏡、拍得清清楚楚分享畀大家！呢度有一間寫住米芝蓮推薦嘅胡椒餅，但好搞笑，我每次經過都見唔到胡椒餅嘅實物，所以一直都未買嚟試過。而喺胡椒餅呢條街嘅對面，就係我之前介紹過、味道相當唔錯嘅紅記飯店。 其實嚟到官也街，大家一定要去啲橫街窄巷行吓，因為入面開咗好多新嘅特色食店，千萬唔好錯過！而喺咁多間舖頭之中，我個人幫襯得最多嘅就係晃記餅家，每次嚟都必買佢哋嘅肉切酥同金桃酥。 再行前少少就會見到賣牛雜嘅舖頭，雖然而家仲係早餐時間，但都抵擋唔住大家對熱辣辣滷水牛雜嘅熱情。對面就係出名食大菜糕嘅莫義記，我自己由佢哋以前做車仔檔開始，足足幫襯咗 30 年！而在莫義記前面嘅興記咖啡室，我每次落嚟最鍾意點嘅就係佢哋嘅雜扒意粉。 行完官也街之後，我會轉入兵房斜巷。一直以來我都覺得呢條斜巷嘅建築同設計好靚、好有異國風情，大家嚟到除咗行主街，記得都條巷打吓卡。穿過兵房斜巷就會經過施督憲正街，呢度有一間我之前推介過嘅葡國餐廳，雖然價錢貴少少，但水準真係 OK、值得一試。 再向前行，會見到賣文哥雞翼包嘅舖頭，佢旁邊張海報畫得好靚、好有創意。我就準備順埋文哥雞翼包側邊呢條樓梯行上去嘉模堂區，上面有一座非常古典優雅嘅嘉模聖母堂。 行程嘅最後一站，我嚟到龍環葡韻散步。呢度嘅規劃真係好好，旁邊就係澳門嘅生態濕地，環境清幽舒服，絕對係散步拍拖嘅聖地。而且而家呢度正值舉辦澳門荷花節，如果大家對荷花有興趣或者鍾意影相打卡，就千萬唔好錯過啦！ 如果鍾意呢類型澳門街坊美食探訪，記得Like同訂閱我哋，下次帶你食更多隱藏小店！ YouTube : 853lifemacau facebook : 生活大小事853lifemacau E-mail : [email protected] #澳門 #澳門旅遊 #澳門美食 #官也街 #氹仔舊城區 #澳門散步 #氹仔街市 #晃記餅家 #莫義記 #龍環葡韻 #澳門荷花節 #澳門自由行 #澳門Vlog #氹仔美食 #兵房斜巷 #嘉模堂區 #日常 #自費 #日常vlog #美食 #自取 #food #delicious #travel #小吃 #生活日常 #生活大小事 #853lifemacau #澳門購物 #澳門新地標 #澳門商場 #澳門吃喝玩樂 #澳門購物 #免稅 #澳門免稅 #澳門旅遊 #澳門旅行 #澳門生活 #澳門生活資訊 #macautravel #macau #澳門 #商場 #時尚 #澳門商場 #Allin #Fun #allinfun