الموسم التالت الحلقة التانية: اتنين مخطوبين (يوسف وتسنيم): كنت بتدور على ايه ولقيته فيا؟

في الحلقة التانية من الموسم التالت من برنامج رباط، استضفنا اتنين مخطوبين: تسنيم ويوسف... قدام كل حد مجموعة من الكروت، فيها أسئلة عميقة.. كل حد بيسحب من الكروت اللي قدامه وبيسأل السؤال اللي طلع معاه، والشخص التاني بيجاوب بانفتاح واستفاضة وبكده يكونوا قضوا مع بعض لحظات جديدة ومختلفة، وقدروا يكتشفوا جوانب جديدة ويتعرفو على بعض أكتر ويقووا الروابط اللي بتجمعهم أكتر وأكتر... ايه أحلى هدية جبتهالك؟ أكتر حاجة خايفة منها بعد الجواز؟ امتى حسيت انه أنا؟ وأسئلة تانية كتيرة بيسألوها لبعض وهم بيفتحوا مواضيع مع بعض أول مرة يتكلموا فيها... دلوقتي تقدروا تعيشوا تجربة رباط لما تطلبوا الكروت من الويب سايت وتوصلكم لباب البيت وتلعبوها مع كل اللي بتحبوهم https://rebaat-eg.com/ رباط هو برنامج أسبوعي، فكرته انه يستضيف اتنين بتجمعهم علاقة قريبة ببعض (اتنين صحاب، اخوات، أب وابنه، بنت ومامتها، اتنين متجوزين او مخطوبين)، بيقعدو مع بعض، وبيسحبو من الكروت اللي قدامهم وبيسألو بعض أسئلة عميقة، وبيجاوبو بانفتاح واستفاضة... بنحاول في رباط نعرض نماذج لعلاقات جميلة علشان نرجع ثقة الناس في فكرة إن لسة فيه علاقات كويسة وناس بتحب بعض، ونفسنا نلهم أكبر عدد من الناس انهم يجربوا يتواصلوا مع اللي بيحبوهم بشكل عميق ويخصصوا أجزاء من وقتهم علشان يعملوا ده.. Follow us on Facebook:   / rebaat.eg   Follow us on Instagram:   / rebaat.eg   Follow us on Tiktok:   / rebaat.eg