Ustad Qamar Jalalvi’s Ghazal (6) – Audio Archives of Lutfullah Khan

کلامِ شاعر بزبانِ شاعر قمر جلالوی کیا جانے کہے گا کیا آکر ، ہے دور یہاں پیمانے کا اللہ کرے واعظ کو بھی رستہ نہ مِلے میخانے کا آواز خزانہ لُطُف اللہ خان اب کیسے رفو پیراہن ہو اُس آوارہ دیوانے کا کیا جانے گریباں ہوگا کہاں دامن ہے بڑا ویرانے کا واعظ نہ سنے گا ساقی کی لالچ ہے اُسے پیمانے کا مجھ سے ہوں اگر باتیں میں نام نہ لوں میخانے کا کیا جانے کہے گا کیا آ کر ہے دور یہاں پیمانے کا اللہ کرے واعظ کو کبھی رستہ نہ ملے میخانے کا تربت سے لگا کر تا محشر سنتے ہیں کوئی ملتا ہی نہیں منزل ہے بڑی آبادی کی، رستہ ہے بڑا ویرانے کا جنت میں پیے گا تُو کیوں کر اے شیخ یہاں گر مشق نہ کی اب مانے نہ مانے تیری خوشی ہے کام مرا سمجھانے کا جی چاہا جہاں پر روک دیا پاؤں میں چُبھے اور ٹوٹ گئے خاروں نے بھی دل میں سوچ لیا ہے کون یہاں دیوانے کا ہیں تنگ تِرے مے کش ساقی یہ پڑھ کے نماز آتا ہے یہیں یا شیخ کی توبہ تُڑوا دے یا وقت بدل میخانے کا ہر صبح کو آہِ سرد سے دل شادابِ جراحت رہتا ہے گر یوں ہی رہے گی بادِ سحر یہ پھول نہیں مرجھانے کا بہکے ہوئے واعظ سے مل کر کیوں بیٹھے ہوئے ہو مے خوارو گر توڑ دے یہ سب جام و سبو کیا کر لو گے دیوانے کا احباب یہ تم کہتے ہو بجا وہ بزمِ عدو میں بیٹھے ہیں وہ آئیں نہ آئیں ان کی خوشی چرچا تو کرو مر جانے کا اس وقت کھلے گا حُسن کو بھی احساسِ محبت ہے کہ نہیں جب شمع سرِ محفل رو کر منہ دیکھے گی پروانے کا بادل کے اندھیرے میں چُھپ کر میخانے میں آ بیٹھا ہے گر چاندنی ہو جائے گی قمرؔ یہ شیخ نہیں پھر جانے کا استاد قمر جلالوی