Teach le Chéile - Peadar Ó Riada

Cuireadh tús leis an tsraith ‘Teach le Chéile’ Déardaoin, 7 Bealtaine. Ó Chúl Aodha a bhí an craoladh, leis an gceoltóir iomráiteach Peadar Ó Riada. Sheinn Peadar roinnt poirt dá chuid féin ar an gconsairtín agus rinne sé cur síos ar na píosaí. Tá aithne mhaith ag an bpobal ar Pheadar. Ceol an príomh suim aige ach go h-áirithe ceol traidisiúnta, ársa, treibheach, ceol eaglasta nó spioradálta, agus ceol claisiceach Eorapach ach suim aige i ngach saghas ceoil 'na dteannta mar aon le cur le chéile agus feabhalsúnacht ceoil. Cumann sé ceol eaglasta, ceol rinnce traidisiúnta, ceol ar an nós Eorpach agus ceoltaibh eile dá fhorbairt aige freisin. Clár ceoil rialta aige ar R na G agus é go minic ag seinm i dteannta an t-amhránaí Seán Ó Sé. Neart taifid déanta aige thar na mblianta agus go leor ama caite aige i mbun Cór Chúil Aodha, cór a bhfuil cáil iontach air.