Kapet vrasesi i Vlores (22 Janar 1999)

Arkiva - Tv Klan 1998-2012; Pamje nga Qyteti i Vlores. Ndihmon forcat e rendit por humb jetën nga plumbat e kriminelëve.Policia e Vlorës përballet çdo ditë me dhjetëra krimenelë dhe prishje të rendit.Kalimi i paligjshëm i kufirit, prostitucion,vrasje,plagosje apo rrëmbime. Një ngjarje paksa e veçantë ka ndodhur në Vlorë me 27 Tetor të vitit të kaluar. Në Urën e Mifolit policët e postbllokut gjenden nën zjarrin e armëve të disa njerëzve të maskuar. Pas një shkëmbimi zjarri dy njerëzit e maskuar largohen. Të ndodhur pa makinë dhe duke dashur t'a kryejnë detyrën e tyre deri në fund, policët i kërkojnë të parit që kalon me makinë aty të vihet në shërbim të tyre. Oltjon Sulovari nga Elbasani pranon të ndihmojë policët në ndjekje të dy maskave që qëlluan policët. Vihen në ndjekje të tyre dhe afrohen pikërisht pranë urës së Mifolit. Por pikërisht në këtë moment, vetëm 2-3 metra larg, një nga kriminelët del jashtë dritares dhe në ecje e sipër qëllon me automatik në drejtim të makinës ku ndodheshin policët. Me breshërinë e parë plumbat qëllojnë Oltjon Sulovarin, të riun që pranoi të vihej në ndihmë të policisë, duke mbetur i vdekur në vend. Gjithashtu plagoset dhe polici Gordo Myrtaj që ndodhej në vendin e parë të pasagjerit, si dhe një kalimtar i rastit. Por tre muaj pas këtij krimi pasi kanë identifikuar autorët, Policia e Vlorës ka vënë në pranga Klodian Hyseni dhe Altin Hoxhallari, dy kriminelët nga Tirana. Për forcat e rendit, kapja e autorëve i këtij krimi ishte një impenjim moral pasi viktima e tij ishte pikërisht një i ri që pranoi rrezikun duke vdekur në ndihmë të policisë. Gazetar : Eduart Frangaj