Түркменістанның Сардары. Әкесінен саясатты мирас қып алған адам. жабық елдің қақпағы әлі ашылма ма?

Бүгінде ол бір елдің сардары, басшысы, әскерінің бас қолбасшысы. Оның есімі де қолбасшы деген мағынаны білдіреді. Ол президент қызметін атқарып отырғанына биыл 4 жыл толды. Біз айтып отырған азамат ¬- Сердар Бердымухамедов. Түркіменстан елінің жетекшісі. Оның жоғары билікке қол жеткізу тәжірибесі Орталық Азия үшін ерекше жайт, аймақтағы әлі ешбір елде мұндай билік транзиті болмаған. Әкесінен билікті мұра етіп алған Сердар 4 жылда не атқарды? Әлде жабық елдің қақпағы әлі ашылма ма? Талдап көрейік. Сердар Бердымұхамедовтің саяси карьерасы әкесінің қызметімен тікелей байланысты. Вице-премьер Гурбангулы Бердымұхамедов 2006 жылы экс-президент Сапармұрат Ниязовтың орнына өте күмәнді жолмен жайғасқан соң жас Сердардың да қызмет жолы өрге басты. Әкесінің толық қамқорлығымен ол сан алуан қызметті атқарды, басшылық орындардан көрінді. Бір уақытта бірнеше қызметті атқарған кездері де болды. Осылайша, жылдар бойы Түркіменстанның екінші президенті елдің үшінші президентін жан-жақты өсірді.