Қараўылды да сәўбет тийкарында алатуғын жағдайға келдик пе?

"Таўық бурын пайда болғанба яки мәйекпе?" Бул сораў усы күнге шекем көплеген данышпан ҳәм философларды толғатып келмекте. Мен данышпанда, философта емеспен, бирақ мени толғандырып жүрген сораўларым бар. Олда болса, ҚР МШБМ ҳәм  ҚР Бәнтлик министрликлерине: Ҳүрметли ҚР МШБМ министри Г. Бахиева ! Ҳүрметли ҚР Бәнтлик министри Ю.Алимов ! Екм министргеде сораўларым : 1  Хызметкер мәмлекетлик уйымға жумысқа қабылланарында биринши бәнтликтен жоллама берилеме яки сәўбет өткерилеме ? Бул ең бас сораў. 2. Техник хызметкерлерге министрлик тәрепинен министрдиң жеке қатнасыўында өткерилген сәўбетке ӨзР Мийнет Кодексиниң қайсы бәндин тийкар етип көрсете аласыз? 3. "Хайыт жоқ , той жоқ" дегениндей Нөкис қаласы 60 -санлы МШБШ имәратына сонша топарласқан адамларды жыйнап: а) қараўыл, б) мәўсимли от жағар (котёлщик), в) кир жуўыўшы (прачка), д) тәрбияшы жәрдемши орынларына вакант бар деп ,тек министрге белгили дизим бойынша , ҳеш жерге Дағаза етилместен яки Хабарландырыў берилместен өткерилген "министрдиң таңлаў - сәўбетине" қандай хуқықый баҳа бериўге болады ? 4. Тараў министрликлери "Сәўбет" тийкарында жумысқа ала алатуғын хуқық берилген болса "vakant.uz, argos.uz" сайтларының не кереги бар? Ал, көрерменлердиң нәзерин "беседа" өткериў "комиссия ағзаларына" итибарын қаратыўын сорар едим. Демек , булар: қалалық Бәнтлик, "Жаңабазар" МПЖ ўәкиллери, Нөкис қаласы Ҳәким орынбасары , 1-ши сектор ўәкили. Министр Г. Бахиеваның айтыўы бойынша бул уйымлардан ўәкил шақырыў мақсети "коррупцияның" алдын алыў, мүрәжәәтшилердиң мүрәжәәтын унамлы шешиў екен. Олай болса, неге Халық қабыллаўхана, Коррупцияга қарсы гүресиў, Әдиллик министрлиги уйымларының ўәкиллерин бир телефон звоногыңыз арқалы шақырмадыңыз? (Ҳәким орынбасары, бәнтлик, МПЖ ўәкиллери ҳеш қандай жазба буйрық, қатнас хаты жиберилместен, тек министрликтиң телефон қоңыраўына тийкар келгенилиги анықланды). Ҳурметли министр Г. Бахиева ханым ! Қол астыңыздағы шөлкемлерде жумысқа алыў тәртибин шөлкем баслығыңыз билгениндей (шөлкемге, яғный бала - бақшаларға штат кестеси тийкарында иске алыў номенклатурасы шөлкем баслыққа жүклетилгенлигин шөлкем баслығыңыз видеода атап өтти), ал , сизиң буннан хабарыңыз жоқ па еди? Егер билгениңизде бул өткерилген "сәўбетиңиз" ақыбетиндеги әўерегершилик болмас па еди ?.. Себеби бул "сәўбетиңизден" өте алмай қалған, хабары болмай келе алмай қалғанлар ,енди, өз наразылықлары менен қабыллаўларға мүрәжәәт етпекте екен. Жеке өзиңизге сораўым : Таңлаў "сәўбети" неге тек Нөкис қаласы 60 - санлы МШБШде өткеридиңиз? Неге бунан алдын районларда ашылған шөлкемлериңизде жумысқа алыў сәўбет процедурасын  комиссияңыз бенен өткермедиңиз ? "Ширкин ойынлар" пьессасы емеспе екен? Рәсмий жуўап бериўиңизди күтемиз ҳәм  "духыңыз" жетеди деген үмитимизди сөндирмеймиз. p.s. Биринши бәнтлик жолламасы ма яки сәўбетпе деген сораў келешек "философларының" полемикасына себеп болмас деп үмитленемиз. Ҳүрмет пенен Г. Каньязова. Каналға ағза болыў: @hoja_uz