سلام ياعتيبة - نادر الشراري | حصرياً ( 2026 )

لتنسيق الاعمال مع نادر الشراري رقم المنسق : 0506189500 سلام ياعتيبه بمناسبة زواج : ريان بدر بن نجر العتيبي مهداه من رجل الاعمال الشاعر الكبير : محمد بن عواد الاشجعي العنزي الى بدر بن نجر العتيبي بمناسبة زواج ريان بدر بن نجر اداء المنشد : نادر الشراري ياراكب اللي لامشت تطوي الليل تطوي المسافات البعيده وراها طيارة يوم اقلعت وعتلت حيل امبرمجه صوب الرياض وسماها من فوقها غنيت حلو التماثيل قصيدة مضمونها ومحتواها بالعود والكنبود والمسك والهيل صوب الرجال اللي تقدر لحاها سلام ياعتيبه هل الرمح والخيل تسليمة تكبر ويكبر غلاها ياهل الوفاء والطيب ذباحت الحيل كسابت الامجاد من مبتداها صغيركم عند المواقيف حلحيل وكبيركم له وقفة لحتماها الطيب مبداء عندكم يالرجاجيل من خلقت الدنيا اليامنتهاها امبجله افعالكم خير تبجيل من حلوها دوم يتناما عطاها سلمن لكم ماله مع الوقت تبديل مداتكم محدا يجي من وراها وسط الدواير لاغدى الوقت به ميل وبعض الاوادم وان تزايد بلاها والوقت اقشر والليالي غرابيل وكلا تعذر حاجتك ماقضاها اسال عن عتيبه خذ العلم لاقيل تسمع عزاويها وتسمع نداها يفزلك ليث يسوق التهاليل وعمامة من فوق راسه رماها الطيب فطره والفعايل مدابيل واللي يروم الطايله اعتلاها امجادكم ماتنحصي بالتفاصيل من زينها من كثرها من حلاها سلام تسليمة وفاء تحط وتكيل تسليمة اخصها واعناها لبدر نجر راع الوفاء والمداهيل والاخوه اللي بيننا مانساها في حفلته انوخ الشعر وهيل عذب البيوت اللي يردد صداها ماجيت ادور من وراها محاصيل غير المحبة حافظين وفاها ربعي بني وايل مثل حادر السيل موت حمر لافرعت عن اجباها تعدل المايل ولاتقبل الميل يويله اللي يقترب من حماها ياراكب اللي لامشت تطوي الليل تطوي المسافات البعيده وراها اجيلكم لو اركب الهجن والخيل ماهمني بعد الدروب ومداها الشاعر/ محمد عواد الاشجعي العنزي