RC MTANDA AWAPONGEZA BUCHOSA UJENZI SOKO LA KISASA BUKOKWA KWA MAPATO YA NDANI

Mkuu wa Mkoa wa Mwanza Mhe. Said Mtanda ameipongeza halmashauri ya Buchosa wilayani Sengerema kwa mwenendo mzuri na kuongeza wigo wa Ukusanyaji wa mapato ya Halmashauri kutoka Bilioni 1 miaka mitatu iliyopita hadi Bilioni 4.7 hivi sasa. Ametoa pongezi hizo leo tarehe 23 juni, 2026 wakati akikagua soko la kisasa la Bukokwa lililojengwa kwa fedha za mapato ya ndani alipowatembelea wafanyabiashara akiwa njiani kuelekea katika Halmashauri ya wilaya ya Sengerema kwa ziara ya kikazi. Mhe. Mtanda amewaambia wafanyabiashara kwenye soko hilo kujivunia serikali kwani ina dhamira thabiti ya kuwaletea maendeleo kupitia halmashauri yao na akatoa wito kwao kulinda amani na kuwapa ushirikiano waheshimiwa Madiwani wao wanaosimamia maendeleo.