Dada Kondke and Censor board || शांताबाई म्हणाल्या "सामान' कापा.. दादा म्हणाले खबरदार.. #dadakondake

Dada Kondke and Censor board || शांताबाई म्हणाल्या "सामान' कापा.. दादा म्हणाले खबरदार.. दादा आणि शेणसार... #satyavedh #comedyvideos #dadakondake #banvabanvi #palvapalvi #shivsena #comedyking #panduhavaldar #marathicinema दादा कोंडके नाव घेतले की प्रत्येक मराठी माणसाच्या चेहऱ्यावर हास्याची लकेर उमटल्याशिवाय राहत नाही. एक हरहुन्नरी करावंत म्हणूनच दादांची ओळख आहे. चित्रपट क्षेत्रात एकटा व्यक्ती कोण कोणत्या जबाबदाऱ्या यशस्वीपणे पार पाडू शकेल हो ? फार तर एक किंवा दोन ! बरोबर ना ? परंतु स्वत:च्या कामाक्षी फिल्मच्या वतीने २१ चित्रपट प्रदर्शित करणाऱ्या दादांनी निर्माता, दिग्दर्शक, अभिनय, संवाद, गीते यासह अन्य विविध जबाबदाऱ्याही लिलया सांभाळल्या आणि हम भी कुछ कम नही हे दाखवून दिले. कोणामुळे चित्रपट रखडला असे दादांच्या बाबतीत झाले नाही. दादांचा कोणताही चित्रपट म्हणजे सबकुछ दादा असे समीकरणच प्रेक्षकांच्या मनात निर्माण झाले होते. पिटातला प्रेक्षक हा दादांच्या हक्काचा प्रेक्षकवर्ग ! ग्रामीण प्रेक्षकांना जे आवडते ते दादा करीत. तो ज्या भाषेत बोलतो, कसा चालतो, त्याच्या स्वभावाचे नमुने, त्याला दैनंदिन जीवनात येणारे विविध प्रसंग आदी बारकाईने दादा चित्रपटात दाखवित. आणि हो, दादांची पीएडी होती तो भाग म्हणचे व्दिअर्थी संवाद ! त्यामुळेच त्यांचे सेन्सॉर बोर्डाशी वारंवार खटके उडत. व्दिअर्थी संवादाचा चित्रपटात भरणा असल्याने बोर्डावरील सदस्य या ना त्या कारणाने कट सुचवित. परंतु वाद – संवादात हरतील ते दादा कसले ? तुमच्या मनातच व्दिअर्थी भाव असल्याने तुम्हाला प्रत्येक गोष्ट तशीच दिसते असे सांगणारे दादा समोरच्याला जुने – पुराणे दाखले देवून तसेच मराठी भाषेची लकब पटवून सेन्सॉर सदस्यांची तोंडे बंद करीत. साहजिकच दादांनी लिहिलेल्या संवादास सेन्सॉरला मंजूरी देण्याशिवाय पर्याय नसे. दादांचा चित्रपट ज्या अर्थी सेन्सॉरने अडविला त्याअर्थी चित्रपटात व्दिअर्थी संवादाचा धुमाकूळ असणार असाच प्रेक्षकांचा ठाम समज होत असे. कित्येकवेळा चित्रपटाच्या प्रदर्शनाला उशीर होत असे परंतु आपण लिहिलेले संवाद कसे बरोबर आहेत हे बोर्डातील सदस्यांना दादा पटवून देण्यात दादा कमी पडत नसत. यामुळे दादांच्या आगामी चित्रपटाला फुकटची प्रसिध्दी मिळत असे. त्याचा फायदा आपसुकच चित्रपटाला होत असे. या दरम्यान कात्री घेवून बसलेल्या सेन्सॉर बोर्डात इतक्या गंमती जमती होत की बोर्डातील सदस्य देखील पोट दुखेपर्यत हसत. आणि शेवटी संवादांना हिरवा सिग्नल देत. दादांचे सेन्सॉर बोर्डातील सदस्यांसमवेत उडालेले खटक्याचेच काही किस्से आज आपण पाहणार आहोत.