చిలుక - కాకి నీతి కథ || Parrot and crow Telugu moral story | 3D animated bedtime stories fairy tales

చిలుక కాకి నీతి కథ || Parrot and crow Telugu moral story | 3D animated bedtime stories fairy tales #చిలుకకాకినీతికథ #Telugumoralstories #bedtimestories ************ చిలుక - కాకి నీతి కథ ************ అనగనగా అడవిలో నది ఒడ్డునే ఒక పెద్ద చెట్టు వుండేది. ఆ చెట్టుమీద చిలుక, కాకిలు జీవిస్తూ వుండేవి. అవి రెండూ కూడా మంచి స్నేహితులు. అయితే చిలుక చురుకైనది కాగా, కాకి బద్దకస్తురాలు. ఒక రోజు రెండింటికి బాగా ఆకలి వేసింది. అక్కడ దగ్గరలో ఉన్న తోటల్లో పండ్ల కోసం వెతకడం మొదలుపెట్టాయి.. బద్దకపు కాకి ఓ రెండు చోట్ల వెతికి ఓ చిన్న జామకాయను తెచ్చుకుని చెట్టుమీద కూర్చుంది. చిలుక ఓర్పుగా చాలా చోట్ల వెదికి ఒక జామపండును తెచ్చుకుంది. అయితే చిలుక తెచ్చిన పండిన జామను చూడగానే కాకికి నోరు ఊరింది. ఎలాగైనా ఆ పండును దొంగిలించి తినేయాలనే ఆశ కలిగింది. అందుకని చిలుకతో " మిత్రమా.. బాగా అలసిపోయాం కదా, స్నానం చేసి వీటిని తిందామా.?” అంది.. పాపం అమాయకపు చిలుక “మరి స్నానం చేస్తే ఎవరు మన జామకాయలకు కాపలా కాస్తారు..!?” అని అడిగింది.. “ముందు నువ్వు చేసిరా నేను కాపలా కాస్తాను, తరువాత నేను స్నానం చేస్తాను నువ్వు కాపాలా కాద్దువు ” అని కాకి చిలుకతో అంది.. చిలుక అంగీకరించి కాకికి తన జామపండును అప్పగించి వెళ్లి పోయింది. ఆ వెంటనే కాకి, చిలుక జామపండును తీసుకుని అక్కడి నుండి పారిపోయింది.. కొద్దిసేపటి తరువాత తిరిగి వచ్చిన చిలుకకు జరిగిన మోసం అర్ధం అయ్యి ఏడుపు మొదలుపెట్టింది. చిలుక ఏడుపు విని జాలి కలిగి ప్రత్యక్షం అయిన నదీ దేవత " ఏం జరిగింది చిలకమ్మా.. ఎందుకు ఏడుస్తున్నావు." అని అడిగింది. … చిలుక ఏడుపు ఆపి కాకి చేసిన మోసం మొత్తం చెప్పింది. అప్పుడు నదీ దేవత ఒక కుండను సృష్టించి "ఈ కుండలో నీకు నచ్చినవి వుంటాయి .. తెరిచి చూడు" అని దాన్ని నీటిపై వదిలి మాయం అయిపోయింది. నీటిపై తేలియాడుతూ వచ్చిన కుండపై వున్న మూతను తీసి చూసింది చిలుక.. అందులో బోలెడు పెద్దపెద్ద జామపండ్లు వున్నాయి. వాటిల్లో ఒక జామపండును తీసుకుని కొరికి చూస్తే చాలా తీయగా ఉంది.. " ఆహా.. ఇంత రుచికరమైన జామపండ్లు నా జీవితంలో తినలేదు." అని చిలుక ఎంతగానో సంబరపడిపోయింది.. అలా సంతోషంతో గెంతులు వేస్తూ జామపండును తింటున్న చిలుకను, అటుగా వెళుతున్న కాకి చూసింది. చిలుక దగ్గరకు వచ్చి అంత పెద్ద జామకాయ దానికి ఎలా దొరికిందా అని ఆరా తీసింది.. మంచిదైన చిలుక కాకి చేసిన ద్రోహం మర్చిపోయి.. నదీ దేవత ప్రత్యక్షం కావడం దగ్గరనుంచి, కుండనిండుగా జామపండ్లు పంపడం వరకూ జరిగిందంతా కాకికి చెప్పింది.. కాకికి దుర్బుద్ధి పుట్టింది … ఓనాడు చిలక లేని సమయం చూసి కొమ్మ మీద కూర్చుని పెద్దగా ఏడవడం మొదలు పెట్టింది.. విషయం అర్ధం అయి ప్రత్యక్షం అయిన నదీ దేవత నవ్వుకుని " కాకమ్మా.. ఎందుకేడుస్తున్నావు ?" అని అడిగింది.. " నా జామకాయను చిలుక దొంగిలించింది" అని అబద్దాలు చెప్పింది కాకి.. దేవత కుండను సృష్టించి కాకి దగ్గరకు పంపి మాయమైపోయింది. దేవతను కూడా తన తెలివితేటలతో చాలా సులభంగా బురిడీ కొట్టించినందుకు ఆనందం పట్టలేక ఎగిరి గంతేసిన కాకి ఆ కుండ మూత తీసి చూసింది. అంతే, అందులోంచి ఒక కట్టె వచ్చి.. కాకిని కొడుతూ వెంబడించింది. కాకి " అమ్మోయ్,బాబోయ్" అని అరుచుకుంటూ పరుగులు తీసింది. ఆ తర్వాత కాకికి తను చేసిన తప్పు అర్ధం అయ్యి, ఎగురుకుంటూ చిలుక దగ్గరకు వచ్చి క్షమాపణ కోరింది.. అవి రెండు మళ్లీ మంచి స్నేహితులు అయిపోయాయి.. చిలుక కాకి నీతి కథ ఈ కథలో నీతి ఏమిటంటే.. " మనల్ని నమ్మిన వారిని ఎప్పుడూ మోసం చేయకూడదు. "