#Burundi: Igitoro carabonetse ivyo vyemezwa n'Umukuru w'igihugu Evariste Ndayishimiye

⛽ "Igitoro carabonetse. Kiruzuye. Ariko tubwiye abafise ama stations ngo bagende gutora igitoro muri SOPEBU bagaca batangura kuvuga ngo ntamahera twifitiye". Ivyo vyashikirijwe n'Umukuru w'igihugu c'Uburundi, Evariste Ndayishimiye, mu birori vyo gushikiriza icese musitanteri wa komine #Bugendana, mu ntara ya #Gitega. Umukuru w'igihugu aragabisha abafise ama "Stations" banka kuza gutora igitoro muri SOPEBU kugira ngo bagihe abenegihugu. Agira ti: "Ayo mastations tuzoca tuyagira aya Reta tuyashiremwo igitoro duhe abenegihugu, maze nibashaka gusubira kudandaza igitoro bazoza tuyabasubize. Ntawundi muti ". Muri ivyo birori kandi Umukuru w'igihugu, Evariste #Ndayishimiye, yasavye Musitanteri wa Komine Bugendana, Melchiade Ciza, kuja hamwe n'abavuka Komine maze barabire hamwe ivyo bokora vyotuma bateza imbere iyo komine yabo. Evariste #Ndayishimiye ati: "Abenegihugu bakeneye indongozi ibahuza, maze umwe wese agakora ivyo ashobore kugira bagwize umwimbu". Ku bwanyu umuntu yanka ko abenegihugu baronka igitoro abikora yisunze iki? Aho muherereye hari abafise akageso nkako muhabona? #Shikiriza #TestifyToInspire #Burundi