មេរៀនពន្ធដារ អំពីអាករ លើតម្លៃបន្ថែម - Tax Lesson About Value Added Tax
មេរៀនពន្ធដារ អំពីអាករ លើតម្លៃបន្ថែម - Tax Lesson About Value Added Tax 1-អ្នកជាប់ពន្ធតាមរបបស្វ័យប្រកាសដែលធ្វើការផ្គត់ផ្គង់ជាប់អាករ ត្រូវមានកាតព្វកិច្ចចុះបញ្ជីអាករលើតម្លៃបន្ថែម និងប្រមូលអាករលើតម្លៃបន្ថែមលើការផ្គត់ផ្គង់ទំនិញឬសេវាឱ្យអតិថិជន។ ទំនិញ សំដៅដល់ទ្រព្យរូបី ក្រៅពីដីធ្លីនិងប្រាក់កាស រីឯសេវា សំដៅដល់ការផ្តល់អ្វីមួយដែលមានតម្លៃ ក្រៅពីទំនិញ ដីធ្លី និងប្រាក់កាស។ 2-ការផ្គត់ផ្គង់ជាប់អាករសំដៅដល់៖ -ការផ្គត់ផ្គង់ទំនិញឬសេវាដោយបុគ្គលជាប់អាករនៅក្នុងព្រះរាជាណាចក្រកម្ពុជា -ការដកយកទំនិញមកប្រើប្រាស់ផ្ទាល់ខ្លួនដោយបុគ្គលជាប់អាករ -ការផ្តល់ជាអំណោយឬការផ្គត់ផ្គង់ក្រោមតម្លៃពិត នូវទំនិញឬសេវាដោយបុគ្គលជាប់អាករ -ការនាំចូលទំនិញមកក្នុងតំបន់ត្រួតពិនិត្យគយនៃព្រះរាជាណាចក្រកម្ពុជា 3-ការផ្គត់ផ្គង់មិនជាប់អាករមានដូចតទៅ៖ -សេវាប្រៃសណីយ៍សាធារណៈ -សេវារបស់មន្ទីរពេទ្យនិងគ្លីនិក សេវាខាងវេជ្ជសាស្រ្តនិងទន្តសាស្រ្តនិងការលក់ទំនិញបន្ទាប់បន្សំខាងវេជ្ជសាស្រ្ត និងទន្តសាស្រ្តដែលទាក់ទិននិងការបំពេញសេវាទាំងនេះ -សេវាដឹកជញ្ជូនអ្នកដំណើរដោយប្រព័ន្ធដឹកជញ្ជូនសាធារណៈដែលជាកម្មសិទ្ធិទាំងស្រុងរបស់រដ្ឋ -សេវាធានារ៉ាប់រង -សេវាជាមូលដ្ឋានខាងហិរញ្ញវត្ថុដែលត្រូវកំណត់ដោយប្រកាសរបស់ក្រសួងសេដ្ឋកិច្ច និងហិរញ្ញវត្ថុ -ការនាំចូលសម្ភារៈប្រើប្រាស់ផ្ទាល់ខ្លួនដែលរួចពន្ធគយ ក្នុងកម្រិតតម្លៃដែលត្រូវកំណត់ដោយប្រកាសរបស់ក្រសួង សេដ្ឋកិច្ច និងហិរញ្ញវត្ថុ -សកម្មភាពមិនស្វែងរកចំណេញដើម្បីបំរើផលប្រយោជន៍សាធារណៈ ដែលបានទទួលស្គាល់ដោយរដ្ឋមន្រ្តីក្រសួង សេដ្ឋកិច្ច និងហិរញ្ញវត្ថុ -ការនាំចូលនិងការទិញទំនិញសម្រាប់ឬដោយបេសកកម្មទូតនិងកុងស៊ុលបរទេសអង្គការអន្តរជាតិ និងទីភ្នាក់ងារ សហប្រតិបត្តិការបច្ចេកទេសរបស់រដ្ឋាភិបាលនានា សម្រាប់យកមកប្រើនៅក្នុងការបំពេញមុខងារជាផ្លូវការរបស់ខ្លួន 4-អត្រាអាករលើតម្លៃបន្ថែមមាន៖ -១០% សម្រាប់ការនាំចូលឬការផ្គត់ផ្គង់ទំនិញឬសេវាក្នុងព្រះរាជាណាចក្រកម្ពុជា -០% សម្រាប់ការនាំចេញ 5-ការគណនាប្រាក់អាករត្រូវបង់៖ -ប្រាក់អាករដែលបានបង់នៅពេលនាំចូលទំនិញ ឬប្រាក់អាករដែលបានបង់លើការទិញទំនិញ ឬសេវា សម្រាប់ ប្រកបអាជីវកម្ម ហៅថា "អាករលើធាតុចូល" -ប្រាក់អាករដែលបានគិតយកពីអតិថិជនពីការផ្គត់ផ្គង់ទំនិញ ឬសេវាហៅថា "អាករលើធាតុចេញ" ប្រាក់អាករត្រូវបង់ = អាករលើធាតុចេញ - អាករលើធាតុចូល 6-អាករលើធាតុចូលដែលមិនអាចកាត់កងបាន៖ -អាករលើធាតុចូលដែលមិនអាចកាត់កងបានរួមមានប្រាក់អាករដែលបានបង់លើៈ -ចំណាយទទួលភ្ញៀវ ការកំសាន្ត ឬការសម្រាកលំហែ លើកលែងតែបុគ្គលជាប់អាករមានអាជីវកម្មជាអ្នកផ្គត់ផ្គង់ ការទទួលភ្ញៀវ ការកំសាន្ត ឬការសម្រាកលំហែ -ការទិញឬការនាំចូលរថយន្ត លើកលែងតែបុគ្គលជាប់អាករប្រកបអាជីវកម្មជាអ្នកលក់ ឬជួលរថយន្ត -ការទិញឬការនាំចូលផលិតផលតេលសិលាមួយចំនួន លើកលែងតែបុគ្គលជាប់អាករប្រកបអាជីវកម្មជាអ្នកផ្គត់ផ្គង់ ផលិតផលតេលសិលាទាំងនោះ អ្នកជាប់ពន្ធដែលធ្វើការផ្គត់ផ្គង់ជាប់អាករនូវទំនិញឬសេវា ត្រូវទទួលខុសត្រូវក្នុងការបង់ប្រាក់អាករជូនរដ្ឋបាលសារ ពើពន្ធយ៉ាងយឺតបំផុតត្រឹមថ្ងៃទី២០ នៃខែបន្ទាប់ពីខែដែលមាន ការផ្គត់ផ្គង់។ Link : • សិក្សាអំពី ពន្ធកាត់ទុកទូទៅ-Withholding Tax #មេរៀនពន្ធដារកម្ពុជា,#valueaddtax,#អាករលើតម្លៃបន្ថែម
មេរៀនពន្ធដារ អំពីពន្ធលើឈ្នួលផ្ទះនិងដី - Tax Lesson About Tax on House and Land Rent
កម្មវិធីរៀនអំពីពន្ធដារតាមអនឡាញ ស្តីពី អាករលើតម្លៃបន្ថែម (ផ្នែកទី ៣)
កម្មវិធី ពន្ធដារកម្ពុជា ស្តីពី អាករលើតម្លៃបន្ថែម
បទបង្ហាញសាកល្បងពីការការពារប្រធានបទរបាយការណ៍ស្រាវជ្រាវ
កម្មវិធីរៀនអំពីពន្ធដារតាមអនឡាញ ស្តីពី អាករលើតម្លៃបន្ថែម (ផ្នែកទី១)
ចុះបញ្ជីអាជីវកម្មស្របស្បាប់ តែមិនជាប់ពន្ធ តើចុះនៅឯណា? ឯកសារអ្វីខ្លះ? ចំណាយប៉ុន្មាន?
មេរៀនពន្ធដារអំពី ពន្ធប៉ាតង់ - Tax Lesson about Patent Tax
ពន្ធកាត់ទុកទូទៅ - កម្មវិធី ពន្ធដារកម្ពុជា ស្តីពី
កម្មវិធី ពន្ធដារកម្ពុជា ស្តីពី អាករលើតម្លៃបន្ថែមចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក
កម្មវិធីរៀនអំពីពន្ធដារតាមអនឡាញ ស្តីពី ពន្ធកាត់ទុកទូទៅ
កម្មវិធី ពន្ធដារកម្ពុជា ស្តីពី កាតព្វកិច្ចពន្ធលើប្រាក់ចំណូល
មេរៀនពន្ធដារអំពី ពន្ធប្រាក់ចំណូល(ចំណូលនិងចំណាយ) - Cambodia Tax lesson about Income Tax Full 2021
【ប្រពន្ធតូចរបស់ខ្ញុំ】EP01♥ទំនាក់ទំនងរវាងអ្នកយកព័ត៌មានស្រី Song Ran និងវិស្វករបំផ្ទុះ Li Zan
រៀនអំពីពន្ធដារតាមអនឡាញ ស្តីពី ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ
កម្មវិធី រៀនអំពីពន្ធដារ - អាករលើតម្លៃបន្ថែម (ផ្នែកទី២) - លោក ឆាយ ជាហេង
វីដេអូណែនាំ របៀបបង់ប្រាក់ពន្ធតាមអនឡាញ E Payment របស់អគ្គនាយកដ្ឋានពន្ធដារ
កម្មវិធី"ពន្ធដារកម្ពុជា" ស្តីពី ពន្ធលើប្រាក់ចំណូលប្រចាំឆ្នាំ (ប្រាក់ចំណូលជាប់ពន្ធ)
កម្មវិធី ពន្ធដារកម្ពុជា ស្តីពី កាតព្វកិច្ចសារពើពន្ធរបស់អ្នកជាប់ពន្ធតូច
គណនាពន្ធលើប្រាក់ចំណូលប្រចាំឆ្នាំ
