《九龍城寨之圍城》城寨人親揭當中秘聞丨電影人的傳承故事丨住足十幾年城寨有聽過槍聲？大廈穿插會迷路？大井街排隊打水之謎

《九龍城寨之圍城》上映三日票房就過咗一千萬，我作為喺城寨住過十幾年嘅原居民，都想講下呢部將香港動作電影打上新巔峰之作，究竟《九龍城寨之圍城》有幾好睇！ 電影改編自香港作家余兒喺2009年出版嘅小說《九龍城寨》，不過就對內容作出唔少改動，而呢個改動，正正係電影將成個故事提升去另一層次嘅重要升級。導演鄭保瑞呢幾年係先拍《智齒》之後，再拍《九龍城寨之圍城》，之後再拍《命案》，佢嘅電影亦喺拍呢幾部戲之中有咗好大唔同嘅轉變，可以話係改變咗電影嘅風格。 當《智齒》仲係講梗香港係一個垃圾崗之時，人生存其中毫無尊嚴，但去到《九龍城寨之圍城》佢有咗好唔同嘅取向，就係電影入面林峯飾演嘅陳洛軍所講嘅對白：上一代嘅嘢唔關我事！反抗命運，抗拒血源糾纏，只係睇乜嘢人對自己好，對自己重要，係成個電影不信命嘅題旨相關。