“Mami shiste gjakun e saj për të na rritur ne”, mes lotësh Zamira tregon sakrificat

#ArditGjebrea #EdielaShqiptare #TvKlan #zamira #renata #force #dhimbje #humbje #jete #dashuri #buzeqeshje #itali #spital Një rrëfim rrëqethës dhe emocion ka përlotur studion e "Ka Një Mesazh Për Ty" në TV Klan, ku Zamira ka treguar vështirësitë ekstreme të rritjes në Shqipëri përpara se të emigronte në Itali. Ajo tregoi sakrificën mbinjerëzore të nënës së saj, e cila shiste gjak në mëngjes herët përpara se të nisej për të punuar në fermë. Ndërsa kujtonte ato vite të vështira, Zamira tregoi mes lotësh se si e vogël ndihej e pafuqishme pasi në shtëpi nuk kishin as sheqer për t'i përgatitur një gotë ujë nënës së rraskapitur. Ardit Gjebrea: Sa vite ke në Itali? Zamira: Në Itali kam 33 vjet. Ardit Gjebrea: Më trego pak për jetën në Shqipëri dhe pastaj për atë në Itali. Zamira: Ne jemi një familje, dy prindërit dhe tre fëmijë: dy vëllezërit dhe unë. Prindërit ishin dy punëtorë të thjeshtë. Babi punonte në porto, kuse mami punonte në fermë. Me sakrifica… Ardit Gjebrea: Si çdo familje shqiptare. Zamira: Por megjithatë, u rritëm në harmoni me gjithë të mirat nga na shpitërore, sepse normale nga ana ekonomike dihet, kishte vështirësi. Ardit Gjebrea: Kishte vëshitrësi! Madje me aq sa unë di, mami shiste edhe gjak apo jo? Zamira: Po. Shkonte në mëngjes shiste gjak, vinte në shtëpi dhe ikte prapë në punë. Unë isha e vogël më vinte keq kur e shikoja dhe nuk kisha një gotë ujë me sheqer, që t’ia jepja. Nuk kisha sheqer në shtëpi. Ardit Gjebrea: As sheqer në shtëpi nuk kishe? Zamira: Jo nuk kisha. E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve. #EDielaShqiptare #ArditGjebrea #TVKlan