النجع 2026 حلقه (23)بياكلوها

🟩 بياكلوهـــا 💚 🌴نجـع 38 قتلك زهت في عيونهم بياكلوها اللي ما يخافــوا الله ما يخلوها عليها التموا لا حللوهــا لا عليها سمّــــــوا واللي خاطمين خطوم ريحه شموا بلا قوت تفضل لا عزومه جوها ونا واجعتني في لحمها يذموا لها يلوكوا لاتو ما بلعوهـــــا واللي كلوا فمين منها إنسموا بلا غير قبله جيفوا الحقوهـــا نلقاني عارفها من يوما ًعزلها بروحها وطرفها وعرملها الخيرات بي يكلفهــا وتمت تكوم فـ الشحم [شافوها] إستدعولها [الجياف]جاء جيفها لا أمــاسهم لا الشيته[سنوها ] وجابولها مرماد جاء [ نتفها ] شحمها مشىٰ في جلدها صفقوها وباقي [الحوسة] للكلاب حذفها لا سيقوا [الزفرة] ولا [أردموها ] جميع من رعاها وغيرته صارفها قامحين حتى إكــراع ماطالوهـا حرام لاقوفه خلوا عليها ها الهبد لاصــوفه واللي عقبهم مـا لقىٰ شنتوفه عـ العظم والجلدة اللمد خلوها واللي يحبها ناره رقت في جوفه لا من يبرد لا أصحاب [طفوها] يعبر على الحسرة بضرب أكفوفه استاقض بعد راحت يقول [باعوها] قليل الضمير نتيجته معروفـــه [لايحس ] لا اللي جابهم [حسوها] عــارفينها ميكوله وبطولهـــا منــك اليد الطـــٰـوله والوقت فاجأها بـ صوله وجوله الحبكة اللي في بالهم حبكوهــا أمنين قلت كيف أمي تولي غوله [حلقة النجع ] زمان واسمعتوها نص كاتبـه هاهو وصــل مدلوله الحلقة ف قناة النجع بـ نعيدوها تمادوا الخنابة وخنبــوا [دوله ] بي ترابها بي شعبها لحسوهـــا مـا يعاودوش الغزل [للمغزولة] ولا يبرموا [الكبة ] اللي برموهــا ما اديرها كـــانش اللي منطولة والبايره الزدنة اللي [منجوهــا] قتلك عليها العين وقتلك اللي ناويينهــــــا واجدين واللي طيحوها مام ليبيين خليكم منهم واخذين الشوهـــا مغير سهلوا خشت الغزايين إحداش لوله اللي جدوهم داروها عادوا الكرّه ورث موش بادعين الصنعة لهم من قبل [ ويقدوها] هوينهم النهابه الجيعانين من كل حدب وصوب يدبوا جوها هوينهم إقلال الخير جو جاردين من [ بطنها] اللي تنتقل قلوهـــا هوينه اللي واخذ الجنسيتين عطاهم إحداثياتها اخربوهـــــا هوين خوتنا يعرب الفزاعين ماقصروا بـ طيرانهم قصفوهــا هوينهم قلال الدم والبايعين خذوا مايبوا منها وكف عطوها هوينهم اللي لي شرفها بايعين الاثنين لحسوها وما كرموها هوينهم ضناها حق والصادقين بي دمهم وأرواحهم فادوها اللي حاميين الوطن وطنيين مناهج الوطنية قروا وقروها كلوها المنقحطين بلا بسمله ومن غير غسل إيدين هوينها [سقيطة] معرمة عرمين وبكري الكبد يخمخوا سلوها هوينهم بدوا قاسمينها قعدين حالفين عـ الاخرين ما يذوقوها وهوينهم الطماعة [الجيعانين ] شموا العرن ووجوههم مدوها الشرقي حلف بـ طلاق زقه يمين والغربي تقول حكومته هردوها ويقولوا علي تعميرها [ناويين] إنفلتت عليهم والعباد نسوها لام بـ أمن لابـ فلوس لا تموين أصحاب النوايا السود هك يبوها هوينهم يقولوا عندنا جيشين وراس ليبيا الكفار ما يخشوهــا هوينهم يقولوا عندنا [بنكين] الخمسين والعشربن بنلموها على كل سحبه ياخذوا [ مئتين] عارفينها زقوم بنديروهٌـــــــا هوينهم يقولوا نخلصوا فـ الدين جاية العملة فـ موسكو طبعوها هوينهم الشوفانيين مقموحين لها ينظروا بـ العين ما طالوهــا هوينهم بكوا نسوان وشيابين هوين الصحافة يصوروا جابوها ينزل خبر عاجل المخطوفين ماجوش يا قتلوه يا قتلوهـــــا تعلام تموا الناس شحاتين العن بوك [عيشه ]بوبحوا لعنوها يدعي اللي صايم خميس واثنين يقول يا الله يحسب يسب فـ بوها وبدىٰ كل ليبي يقول عندي [سين] نبي نعرف [ النكبة] عليش داروها يراجوا رقاق الحال في عظمين يلقوش ضلعة زايده يشموهـــــا في تركيا يشووا [الشبعانين ] حتى عقاب إعظام ما لوحوهــــا وأحذاهم اللي يحكوا الشوفانين سامرين من القمله وما قصعوها قعد في أرقابهم بلي إركب فـ أولهم وزاد عقابهم وهاهم بدوا في دمها لركابهم وعارفينهم يجنوا اللي زرعوهــــا ومن قبل لايولع طفى مشهابهم على الله تاكلهم اللي ولعوهــا