Hoërskool Durbanville Koor Psalm 134 verw. A. van der Merwe

Hoërskool Durbanville o.l.v Maria Rademan-Viviers het in die grendeltyd 'n virtuele koor geskep. Psalm 134 is al vir 6 jaar lank deel van HSD koor se wese. Ons sing dit voor elke optrede, as ons moet afskeid neem van iemand, voorspoed toewens en as ons sommer net wil mooi-maak! In die grendeltyd het elke koorlid hulle deel apart opgeneem en is die klank en video deur Loui Griebenow verwerk tot ons virtuele skepping! Ons dra dit op aan almal in die onderwys, in besonder ons skoolhoof, meneer Coenie Venter, en aan elke koor in Suid-Afrika wat nie op die oomblik kan saamsing nie. Mag die Heer se seën op julle daal.