Uniko - Aksidenti te TEG-u, eksperti i Policisë Rrugore: Audi "fluturoi" për 30 metra

Audi A8 që u përfshi në një aksident fatal pasditen e 9 Marsit të rrethrrotullimi i TEG-ut në Tiranë, ka fluturuar për rreth 30 metra. Kështu është shprehur eksperti i Policisë Rrugore Ali Yzeiri në një intervistë për emisionin Uniko nga Spartak Koka në Klan Plus. Duke komentuar pamjet e kamerave të sigurisë së aksidentit me 3 të vdekur, Yzeiri shprehet se nga momenti i përplasjes me barrierat mbrojtëse deri kur ka goditur mjetin tjetër poshtë mbikalimit, janë rreth 30 metra. Eksperti shpjegoi se përpara përplasjes, drejtuesi 20-vjeçar i Audit ka frenuar por mjeti nuk ka mundur të ndalojë. Sipas përllogaritjeve paraprake, jo përfundimtare, makina ka qenë duke lëvizur me shpejtësi të paktën 150 km/h. Spartak Koka: Kemi një shpejtësi të matur përafërsisht? Ali Yzeiri: Është mbi 150 km/h. Kjo është e sigurt që është mbi 150. Spartak Koka: Ka frenuar mjeti? Ali Yzeiri: Fillimisht ka një frenim dhe mendohet që është një gjurmë frenimi, pra që i përket atij mjeti, gjithmonë dyshohet që i përket. Këto janë fiksuar në vendngjarje edhe këto gjurmët e frenimit. Por për shkak të shpejtësisë ai ka çuar këmbën në frena dhe pastaj ka menduar që do kalonte atë rrethrrotullim dhe do kryente manovrën. Por atë manovër nuk e ka kryer dhe siç dihet u përplas me barrierën mbrojtëse. Gjatë kohës pas përplasjes me barrierën mbrojtëse, ky ka fluturuar në ajër dhe ka ecur rreth 30 metra. Spartak Koka: Në ajër? Ali Yzeiri: Nga momenti i goditjes tek rrethi deri tek përfundimi janë 30 metra dhe aty ka goditur mjetin tjetër që lëvizte nga Tirana në drejtim të Elbasanit në pjesën e përparme. #Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/