@gorjyakoushik4607 इंद्रलोका स्यू ग्यारस माता उतरी बाने झैली महाजन लोग#shreeharivansh #goviral #gor

‎⁨@gorjyakoushik4607⁩  इंद्रलोका स्यू ग्यारस माता उतरी बाने झैली महाजन लोग#shreeharivansh #goviral #goriइन्दर लोकां सूं ग्यारस माता उतरी॥ जाण झेली है महाजन लोग, जी रामा बरतां में बड़ी जी एकादशी॥ 1) जी बे तो गोखा तो बैठा सुसरा जी, जी बे तो पीढ़ तो बैठी सासू जी। म्हाने ग्यारस रो नेम बताय, जी रामा... 2) थे तो जीण करो बहुवड़ एकादशी, थे तो मत करो बहुवड़ एकादशी, आपणे घरा है खेता रो काम, जी रामा... 3) जी बे तो भैंस दुंवता जेठ सा, जी बे तो रसोया करता भाभी सा। म्हाने ग्यारस रो नेम बताय, जी रामा... 4) थे तो जीण करो बहुवड़ एकादशी, थे तो मत करो बहुवड़ एकादशी, आपणे घरा है धीणा रो काम, जी रामा... 5) जी बे तो तड़िया रमंता लाल जी, जी बे तो महला चढ़ंता साहब जी। म्हाने ग्यारस रो नेम बताय, जी रामा... 6) थे तो मत करो भावज एकादशी, थे तो मत करो गौरी एकादशी, आपणे घरा है टाबरिया रो काम। थे तो लोड्या हुलारिया री माय, जी रामा... 7) जी बे तो सहेल्या रमंता बाई सा, जी बे तो सहेल्या रमंता बाई सा। म्हाने ग्यारस रो नेम बताय, जी रामा... 8) थे तो भल करो भावज एकादशी, थे तो भल करो भावज एकादशी, एकादशी जीवन रो आधार, जी रामा... 9) थे तो दस को करजो एकाशणो, थे तो ग्यारस करजो नियठो, जी रामा... 10) थे तो बारस को खोलो पारणो, थे तो बारस का बिपर जिमाय, जी रामा...