《三命》首周劇情逐集分析丨杜琪峰拍劇重現銀河映像經典場面！

《三命》故仔，其實係好似銀河創業作《一個字頭的誕生》，都係講梗一個唔同選擇有兩條唔同嘅命運，一個返大陸，一個去台灣，結果，返大陸冚家產，去台灣係死唔去，但係就要終身殘廢！ 而今次三命雖然好似《一個字頭的誕生》，但玩法有啲唔同，因為《一個字頭》係完咗一條命，然後倒帶開始第二個選擇，而《三命》就唔同，三條命嘅線係互相交纏咁出現！ 其實一個Moment影響一生嘅電影有好多，波蘭導演奇斯洛夫斯基87年作品《盲打誤撞》（Blind Chance）、德國導演Tom Tykwer 於1998年作品《疾走羅拉》（Run Lola Run）都類似，因為玩三次重複經歷，同年英國導演Peter Howitt 亦有《緣份兩面睇》（Silding Door），上唔到車嘅桂莉芙柏德露，以分開畫面方式展開不同故事。 《三命》Concept唔係完全創新到無人拍過，但係劇集呢種載體，香港應該未有人玩過咁樣嘅平行生命線故事。 睇咗五集劇，要留意幾樣嘢，劇情走向同節奏，配樂、聲效嘅運用，用劇情畫面去堆叠情感！而最重要的是有不少銀河映像電影的致敬位！