Rama në Koplik e Bajzë: Jam shërbëtor i zgjedhësve të mi, e vërteta nuk manipulohet-(13 Shkurt 2005)

Lajme Arkiva 2005 “Jam shërbëtor i atyre që më kanë zgjedhur, por askush nuk më pengon të shkoj aty ku dua dhe të them ç’tmë dojë e bardha zemër, pasi të vërtetat nuk manipulohen e as nuk mbahen mbyllur.” Kështu është shprehur kryetari i Bashkisë së Tiranës, Edi Rama, në përgjigje të reagimeve për turin që po zhvillon në Veri të vendit. Deklarata është bërë gjatë një bashkëbisedimi me banorë të Koplikut, i ftuar nga kryetari socialist i Bashkisë, Perlat Ramçaj. Edi Rama: “Ashtu siç zhvillohet Tirana, mund të zhvillohet e gjithë Shqipëria dhe padyshim mund të zhvillohet dhe Veriu i Shqipërisë, përpara të cilit mesa duket politika aktuale është dorëzu.” Mungesa skandaloze e dialogut mes politikës dhe njerëzve ka krijuar alibira absurde, sipas të cilave Veriu nga natyra është i varfër, ka thënë Rama në takimin e zhvilluar në Bajzë të Kastratit. Edi Rama: “Në kohën e lidhjes me Venedikun, e gjithë kjo zonë ishte e mbuluar me vreshta 600 vjet më para dhe vera që bëhej në Venedik e kishte burimin këtu në Malësinë e Madhe. Mjafton për të kuptuar se sa përpara jemi ne sot dhe për të kuptuar që zgjidhja është këtu, por problemi është se ashtu siç jemi transformuar në shkallën publike në konsumator të prodhimit të importuar dhe të imponuar, ashtu jemi transformuar dhe në konsumatorë të politikës.” Për Ramën, ndarja e socialistëve me demokratët është shndërruar në një përplasje klanesh që gjeneron krizë e që i ka ngecur shqiptarët në udhëkryq. Fjalimet patetike, sipas tij nuk e luftojnë korrupsionin apo varfërinë. Edi Rama: “Dalja tjetër e bëjnë të gjithë sikur luftojnë korrupsionin, e keni pa vetë. Luftë e madhe! Britma, ulërima, sharje, mallkime nga njëra anë. Nga ana tjetër statistika, po luftojmë. Muhabet kot! Ça lufton? Varfëria e imponuar, sepse kjo është varfëri e imponuar, kjo nuk është varfëri e natyrshme. Kjo nuk është varfëri që vjen nga dembelizmi i huaj. Kjo është varfëri që vjen nga mungesa e dashurisë dhe e vëmendjes së politikës ndaj jush, dhe varfëria e imponuar prodhon korrupsion, prodhon maskarallëk.” Bashkëbisedimi i Ramës me bajzianët është finalizuar me titullin ‘Simboli i Ndryshimeve’, i dhënë nga kryetari i komunës së Kastratit./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/