Golconda Ke Rahene Wale Masood Chandi Ke Qatal Ki Wardat

Hyderabad se is waqt ki ek behad hi sangeen aur afsoosnak badi khabar samne aa rahi hai. Golconda Police Station ki hudood mein mashhoor social media influencer Chandni Masood ka na-maalum afrad ne berehmi se qatl kar diya hai. Is khun-rezi ki khabar milte hi poore ilaqe mein sansani phail gayi hai aur logon mein darr ka mahool hai. Tafseelat ke mutabik, jaise hi police ko is sangeen hadse ki itlaa mili, aala afsaran furi taur par mauqe-e-wardat par pahunch gaye. Police ne lash ko apni tahweel mein lekar aage ki qanooni karwai aur case ki tahqeeqat tezi se shuru kar di hai. Police is qatl ke piche ki asli wajah maloom karne aur hamla-awaron ki pehchan ke liye ilaqe ke CCTV footages ko khangal rahi hai. Is dardnaak hadse ke baad Chandni Masood ke parivar ka ro-ro kar bura haal hai. Unki walda cheekh-cheekh kar apne bache ke liye insaf mang rahi hain aur unka dukh dekh kar har ek ki aankh nam hai. RQ Media Times is mamle par lagatar nazar banaye hue hai. Is sangeen jurm ke khilaf aawaz uthane aur har update pane ke liye video ko share zaroori karein aur comment section mein apni raye dein.