بدع ورد بين الشاعر حمود بن وهقه والشاعر حمد بن بخيت #شعر #شعراء #شعر_شعبي #شعراء_الخليج

بدع الشاعر حمود بن وهقه : ياللي تسووا بلبلة كل م اغيب رجعت كل واحد يعود مكانه ما كان ودي الجاء لها الاساليب لكن بعد ما احب طعم الاهانة الطيب تالي الوقت يخذل هل الطيب خصاً مع اللي يحسبوها جبانة خلك جبل يقطع حسيس السواهيب لتكون مع كوس العصر خيزرانه و لا تغرك الابتسامة ترى الذيب ان جاع ولا شبع بين ثوانه اقولها والشعر من دون تدريب في قمة ابداعاته وعنفوانه ولما اصوب كبد الابداع واصيب كني اصب الشاي ف الاستكانه نم يا نديبي ما احب المناديب أنا الشجاع اللي لسانه حصانة ویا قارئ الكفين لو تعلم الغيب سربت هذا الامر من قبل أوانه إن الزمن فيه الردايا معازيب كل واحد تحسبه عنتر زمانه ما زاد شانه عند اهل المواجيب ولا نقص عند الرديين شانه المجلس اللي ما تجيه التراحيب تخلصوا من بنه وزعفراآنه رد الشاعر حمد بن بخيت : يحمود بن وهقه على محمل الطيب ترحيبةً من خاطري وامتنانه ترحيبةٍ لاشك فيها ولاريب مدفوعةٍ بالشعر قبل الميانه الذيب لامنه عوا جاوبه ذيب والصوت يرجع له صدا مع بيانه في مجلس الشورى حصانه وترهيب ومن بعدها مرفوع عنك الحصانه تدخل مع الشعار جمرك وتهذيب والشارده تاخذ عليها ضمانه واللي عن الجمرك يطوفون تهريب لابد ماتثبت عليهم الادانه في معترك الاعلام بالشات والويب الشاعر المقدام يكسب رهانه والشهره اللي من وراها مكاسيب يظفر بها رجلٍ سليطٍ لسانه ومن يخطف الاضواء يلقى مشاهيب ان شالها من دون عقل ورزانه فان صارت الغيبه ماهي غيبة كليب والزير سالم يوم فارق حصانه الطيب اللي طيبه يحضر ويغيب مع غيبته كلٍ يسد بمكانه ماكل شجاعٍ من غزا راسه الشيب يفعل فعل راكان فاخر زمانه #شعر #بدع #رد #شاعر_المليون #سعد_علوش #محمد_بن_سلمان #محمد_بن_زايد #بوتين #أوكرانيا #روسيا