رفيق يقلب الدنيا بوقفاته فرح واعروس -خالد ال بريك-عيضه الثبيتي - 2026-لحن رائع -جديد

‏🔔 Subscribe - لايك Like اشترك وفعل الجرس 🛎 ليصلك كل جديد بن نايف للتصميم والمونتاج _____________________ للتواصل والاستفسارات : الحسابات الرسمية لـ قناة بن نايف . ‏Whatsapp : 0506895001 ‏ للسناب : B3.Nif الكلمات : على صدر الموّلع يابراد الطايف المانوس لا تاقف لين تطفي جمرةٍ فالصدر وقّاده بعد حط الغلا طرّاف كبدي تحت حد الموس بشرطه وحّده ياخذ ثلاث أقفال وزياده ما أشد من الرماح الاّ العيون اللي تقول تهوس لو إن النوم ماهو حولها بس الدلع عاده أغني بالهجيني نوب واحوّل على المنكوس ليا منّي سمعت الطير قام يكوسر انشاده أحس انّي بحاجه سجةٍ يطرب لها الهاجوس تهيّض خاطر اللّي جارحٍ قلبه توجّاده بصدري شعلةٍ ماكنها الا شعلة الفانوس ابي لي راس حيدٍ فالحجاز يذعذع ابراده الاحلام اتغدي وتردّني للواقع الملموس يضيع الحلم لا نقصّ من الواقع ولا زاده لو أني لا ذكرّت اللّي مواقيفه حِكم ودروس حذفت هموم صدري في يسار الخط ياساده رفيقٍ يقلب الدنيا بوقفاته فرح وعروس ولا اعطاك الوعد تلقاه حاضر قبل ميعاده حزامي بندر ابن بريك زحلٍ يكسب الناموس بداحيٍ فعوله تمدحه وتزيده إشاده مثل حيدٍ يذرّي كل ماهبّت هبوب الكوس ليا هبّت وبرّاق السحاب يحن رعّاده يجيه اللّي ضميره منشحن و منوفس ومعموس و يشرح خاطره ويروح عايش ثالث أعياده تقوله انّه حذف (ماقدر) و (عذرّني) من القاموس ماعنده غير (تبشر) من طناخة راس وإراده كرم يمناه غيثٍ وقعه يبيّن بدون عسوس وفزعاته مثل كيفٍ يعدل الراس بقناده فداه اللّي رياله ياخذ بجيبه سنه مدسوس ليا طلّع رياله صابته حمى ورعّاده قثامي فزعته تنشاف لا شفت العيون يبوس حزام الجنب مطنوخٍ يشب النار بزناده وعدنا محفل ٍ من شانه اندوس الصعايب دوس وشكر الخط فوق اللّي يعد الميل عدّاده بدر و سعود روسٍ فالمواقف ماعتلاهم روس تكفّيهم تراحيبٍ على الصّفطان منقاده على يامرحبا ماهمّهم لاصار طق فلوس ومن هو يحتزم فيهم على هدّاج ميراده ذخاير عزوة ٍ على الطغاه اثقل من الكابوس بحد السيف كم شيخٍ يقضّونه من شداده بروا عدوانهم و أخصامهم بري السهم للقوس ويحمون الديرك ويحتفل في يوم ميلاده ترا حنّا عتيبه والفخر فقلوبنا مغروس مورّدت النخب للفوز والتاريخ و أمجاده ياكم فرديّة لامن حضرنا تنقلب حرسوس وهي فعيون راعيها من اول مثل جلاّده ماهو دون الحلوق يدين من دون الحلوق نفوس ومن يطمع عتيبه مايزيد الاّ توجّاده عيضه الثبيتي