ਗੁਰਦੁਆਰਾ ਸ਼੍ਰੀ ਗਨੀ ਖਾਂ ਨਬੀ ਖਾਂ [ਮਾਛੀਵਾੜਾ] Gurudwara history Shri Gani khan Nabi Khan [Machhiwara]

#travelblog #punjabi #history Gurudwara Shri Gani Khan Nabi Khan [Machhiwara] history Shri Gani khan Nabi Khan ੴ ਸਤਿਗੁਰ ਪ੍ਰਸਾਦਿ॥ ਜਿਥੇ ਜਾਏ ਬਹੇ ਮੇਰਾ ਸਤਿਗੁਰੂ ਸੋ ਥਾਨ ਸੁਹਾਵਾ ਰਾਮਰਾਜੇ॥ “ਗੁਰੂ ਪਿਆਰੀ ਸਾਧ ਸੰਗਤ ਜੀਓ ਵਾਹਿਗੁਰੂ ਜੀ ਕਾ ਖਾਲਸਾ, ਵਾਹਿਗੁਰੂ ਜੀ ਕੀ ਫਤਿਹ॥” ਗੁਰਦੁਆਰਾ ਸ੍ਰੀ ਗਨੀ ਖਾਂ, ਨਬੀ ਖਾਂ ਦਾ ਸੰਖੇਪ ਇਤਿਹਾਸ ਸਰਬੰਸਦਾਨੀ ਦਸ਼ਮੇਸ਼ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਚਰਨ ਛੋਹ ਪ੍ਰਾਪਤ ਪਵਿੱਤਰ ਧਰਤੀ ਸ੍ਰੀ ਮਾਛੀਵਾੜਾ ਸਾਹਿਬ ਵਿੱਚ ਗੁਲਾਬੇ ਪਜਾਬੇ ਦੇ ਘਰੋਂ ਜਿਥੇ ਗੁਰੂਦੁਆਰਾ ਚੁਬਾਰਾ ਸਾਹਿਬ ਸ਼ੁਸੋਬਿਤ ਹੈ, ਜਦੋਂ ਭਾਈ ਗਨੀ ਖਾਂ ਨਬੀ ਖਾਂ ਨੂੰ ਪਤਾ ਲੱਗਾ ਕਿ ਸਤਿਗੁਰੂ ਉੱਥੇ ਆਏ ਹੋਏ ਹਨ ਤਾਂ ਇਨ੍ਹਾਂ ਦੋਵਾਂ ਭਰਾਵਾਂ ਨੇ ਜਾ ਕੇ ਬੇਨਤੀ ਕੀਤੀ ਕਿ ਸਤਿਗੁਰੂ ਜੀ ਸਾਡੇ ਘਰ ਚਰਨ ਪਾ ਕੇ ਪਵਿੱਤਰ ਕਰੋ ਜੀ। ਬੇਨਤੀ ਕਰਨ ਤੇ ਸੱਚੇ ਪਾਤਸ਼ਾਹ ਇਨ੍ਹਾਂ ਦੋਵਾਂ ਭਰਾਵਾਂ ਨੇ ਦੇ ਨਾਲ ਇਨ੍ਹਾਂ ਦੇ ਘਰ ਆ ਪਹੁੰਚੇ। ਇੱਥੇ ਆਉਣ ਤੇ ਭਾਈ ਗਨੀ ਖਾਂ ਤੇ ਨਬੀ ਖਾਂ ਨੇ ਦੇਖਿਆ ਕਿ ਸੂਹੀਏ ਬਹੁਤ ਫਿਰਦੇ ਹਨ ਤਾਂ ਬੇਨਤੀ ਕੀਤੀ ਕਿ ਸੱਚੇ ਪਤਾਸ਼ਾਹ ਜੇਕਰ ਆਪ ਨੀਲੇ ਵਸਤਰ ਪਹਿਨ ਲਵੋ ਤਾਂ ਸਾਨੂੰ ਆਪ ਜੀ ਦੀ ਸੇਵਾ ਕਰਨੀ ਸੌਖੀ ਹੋ ਜਾਵੇਗੀ। ਸਤਿਗੁਰੂ ਜੀ ਦੇ ਕਹਿਣ ਤੇ ਲਲਾਰੀ ਨੂੰ ਬੁਲਾਇਆ ਗਿਆ ਤੇ ਹੁਕਮ ਕੀਤਾ ਕਿ ਸਾਡੇ ਵਾਸਤੇ ਨੀਲੇ ਵਸਤਰ ਰੰਗ ਕੇ ਲਿਆਓ। ਲਲਾਰੀ ਨੇ ਬੇਨਤੀ ਕੀਤੀ ਕਿ ਸਤਿਗੁਰੂ ਜੀ ਵਸਤਰ ਉੱਠੀ ਹੋਈ ਮੱਟੀ ਵਿੱਚ ਹੀ ਰੰਗੇ ਜਾਂਦੇ ਹਨ, ਜੋ ਕਿ ਰੰਗ ਪਾਉਣ ਤੋਂ ਤਿੰਨ ਦਿਨ ਬਾਅਦ ਹੀ ਉੱਠਦੀ ਹੈ। ਤਾਂ ਸਤਿਗੁਰੂ ਜੀ ਨੇ ਕਿਹਾ ਕਿ ਜਾਕੇ ਵੇਖ ਮੱਟੀ ਉੱਠੀ ਹੋਈ ਹੈ। ਜਦੋਂ ਲਲਾਰੀ ਨੇ ਜਾਕੇ ਵੇਖਿਆ ਕਿ ਮੱਟੀ ਉਬਾਲੇ ਮਾਰ ਰਹੀ ਸੀ ਤਾਂ ਉਹ ਹੈਰਾਨ ਹੋ ਗਿਆ। ਲਲਾਰੀ ਨੂੰ ਯਕੀਨ ਹੋ ਗਿਆ ਕਿ ਇਹ ਕੋਈ ਵਲੀ ਖੁੱਦਾ ਦਾ ਹੈ। ਅਤੇ ਮੈਂ ਇਨ੍ਹਾਂ ਤੋਂ ਕੋਈ ਮੰਗ-ਮੰਗ ਲਵਾਂ। ਲਲਾਰੀ ਨੇ ਵਸਤਰ ਰੰਗ ਕੇ ਸਤਿਗੁਰੂ ਜੀ ਨੂੰ ਭੇਂਟ ਕੀਤੇ ਅਤੇ ਹੱਥ ਜੋੜ ਕੇ ਖੜ੍ਹਾ ਹੋ ਗਿਆ। ਸਤਿਗੁਰੂ ਜੀ ਨੇ ਰੰਗਾਈ ਦੀ ਭੇਟਾਂ ਦੇਣੀ ਚਾਹੀ ਤਾਂ ਲਲਾਰੀ ਨੇ ਬੇਨਤੀ ਕੀਤੀ ਕਿ ਸਤਿਗੁਰੂ ਜੀ ਮੈਂ ਔਲਾਦ ਤੋਂ ਸੱਖਣਾਂ ਹੀ ਜਾ ਰਿਹਾ ਹਾਂ, ਬਖਸ਼ਿਸ਼ ਕਰ ਦਿਉ, ਤਾਂ ਬਚਨ ਹੋਇਆ ‘ਭਰਪੂਰ ਹੋਵੇਗਾ'। ਦੂਸਰੀ ਬੇਨਤੀ ਕੀਤੀ ਸਤਿਗੁਰੂ ਜੀ ਦਾ ਕਿ ਸਾਡਾ ਗੁਜਾਰਾ ਔਖ ਹੀ ਰਿਹਾ ਹੈ, ਰੰਗ ਦੇ ਪੈਸੇ ਸਿਰੋ ਨਹੀਂ ਉਤਰਦੇ। ਕੋਈ ਕ੍ਰਿਪਾ ਦ੍ਰਿਸ਼ਟੀ ਕਰ ਦੇਵੋ। ਸਤਿਗੁਰੂ ਜੀ ਦਾ ਬਚਨ ਹੋਇਆ ਕਿ "ਜਿਸ ਮੱਟੀ ਵਿੱਚ ਸਾਡੇ ਵਸਤਰ ਰੰਗ ਕੇ ਲਿਆਇਆ ਹੈ, ਅੱਜ ਤੋਂ ਬਾਅਦ ਉਸ ਵਿੱਚ ਕੋਈ ਰੰਗ ਨਹੀਂ ਪਾਉਣਾ। ਜੋ ਰੰਗ ਮੰਨ ਵਿੱਚ ਧਾਰ ਕੇ ਕੱਪੜਾ ਡਬੋਏਗਾ, ਸੋਈ ਰੰਗ ਉਘੜੇਗਾ। ਮੱਟੀ ਢੱਕ ਕੇ ਰੱਖੀ, ਇਹ ਭੇਟ ਆਮ ਕੋਲ ਨਹੀਂ ਦੱਸਣਾ।” ਫਿਰ ਗਨੀ ਖਾਂ ਨਬੀ ਖਾਂ ਨੇ ਬੇਨਤੀ ਕੀਤੀ ਕਿ ਔਲਾਦ ਤਾਂ ਸਾਡੇ ਘਰ ਵੀ ਨਹੀ ਹੈ। ਸਤਿਗੁਰੂ ਜੀ ਨੇ ਕਿਹਾ ਤੁਹਡੀ ਸੇਵਾ ਪ੍ਰਵਾਨ ਹੋ ਚੁੱਕੀ ਹੈ, ਤੁਹਾਡੇ ਤੇ ਕ੍ਰਿਪਾ ਹੋਵੇਗੀ। ਇਸ ਅਸਥਾਨ ਤੇ ਸਤਿਗੁਰੂ ਜੀ ਦੇ ਦੇ ਦਿਨ ਦੋ ਰਾਤਾਂ ਆਰਾਮ ਕੀਤਾ। ਉਪਰੰਤ ਸਤਿਗੁਰੂ ਜੀ ਨੂੰ ਪਲਘ ਤੇ ਬਿਠਾ ਕੇ ਅਗਲੇ ਪਾਵੇ ਗਨੀ ਖਾਂ ਨਬੀ ਖਾਂ ਤੇ ਪਿਛਲੇ ਪਾਵੇ ਭਾਈ ਧਰਮ ਸਿੰਘ ਤੇ ਭਾਈ ਮਾਨ ਸਿੰਘ ਨੇ ਚੱਕ ਲਿਆ ਤੇ ਪਿੱਛੇ ਭਾਈ ਦਯਾ ਸਿੰਘ ਮੋਰਾਂ ਦੇ ਖੰਬਾਂ ਦੀ ਚੌਰ ਕਰਨ ਲੱਗ ਪਏ। ਇਸ ਤਰ੍ਹਾਂ ਭੌਤਕ ਰਚਦੇ ਹੋਏ ਗੁਰੂ ਜੀ ਉੱਚ ਦੇ ਪੀਰ ਬਣਕੇ ੨੨ ਪੋਹ ਦੀ ਪਿਛਲੀ ਰਾਤ ਨੂੰ ਇਸ ਜਗ੍ਹਾ ਤੋਂ ਨਿਕਲ ਤੁਰੇ। ਗੁਰੂ ਜੀ ਗੁਰਦੁਆਰਾ ਕ੍ਰਿਪਾਨ ਭੇਂਟ ਸਾਹਿਬ, ਗੁਰਦੁਆਰਾ ਕਟਾਣਾ ਸਾਹਿਬ, ਪਿੰਡ ਰਾਮਪੁਰ, ਪਿੰਡ ਕਨੇਚ ਹੁੰਦੇ ਹੋਏ ਆਲਮਗੀਰ ਵੱਲ ਚਾਲੇ ਪਾਏ। ਗੁਰੂ ਜੀ ਨੇ ਆਲਮਗੀਰ ਪਹੁੰਚ ਕੇ ਭਾਈ ਗਨੀ ਖਾਂ ਨਬੀ ਖਾਂ ਤੇ ਕ੍ਰਿਪਾ ਕਰਦੇ ਹੋਏ ਬਖਸ਼ਿਸ਼ਾ ਕਰਦੇ ਹੋਏ ਇਹ ੴ ਸ੍ਰੀ ਸਤਿਗੁਰੂ ਜੀਉ ਹੁਕਮਨਾਮਾ ਪਾਤਸ਼ਾਹੀ: ੧੦ਵੀਂ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ 1 ਸ੍ਰੀ ਵਾਹਗੁਰੂ ਜੀ ਕੀ ਆਗਿਆ ਹੈ ਸਰਬਤਿ ਸੰਗਿਤਿ ਉਪ੍ਰਿ ਮੇਰਾ ਹੁਕਮੁ ਹੈ ਗਨੀ ਖ਼ਾਂ ਓਰ ਏਹ ਜੁ ਹੈਨਿ ਫਰਜੰਦਾ ਸੋ ਬਿਹਜ ਹੈਨ ਮੇਰੇ ਕੰਮ ਆਏ ਹੈਨ ਜੋ ਸਿਖ ਇਨਿ ਕੀ ਖਿਜਮਤਿ ਅੰਦਰ ਰੁਜੂ ਰਹੇ ਗਾ ਸੋ ਨਿਹਾਲ ਹੋਗੁ ਉਨਾ ਉਪਰਿ ਮੇਰੀ ਖੁਸੀ ਹੋਗੁ ਉਸਿ ਉਪਰ ਮੇਰਾ ਹਥੁ ਹੋਗੁ ਏ ਜੁ ਹੈਨਿ ਸੋ ਮੇਰੇ ਹੈਨਿ ਜੋ ਸਿਖਿ ਇਨ ਕੀ ਸੇਵਾ ਕਰੇਗਾ ਸੋ ਮੇਰੀ ਕਰੇਗਾ (ਸੰਮਤ ੧੭੬੨) ਨੋਟ: ਗੁਰੂ ਪਿਆਰੀ ਸਾਧ ਸੰਗਤ ਜੀ ਦਸ਼ਮੇਸ਼ ਪਿਤਾ ਜੀ ਇਹ ਹੁਕਮਨਾਮਾ ਅੱਜ ਵੀ ਭਾਈ ਗਨੀ ਖਾਂ ਨਬੀ ਖਾਂ ਜੀ ਦੀ ਨੌਵੀਂ ਪੀੜੀ ਕੋਲ ਅਦਬ ਸਤਿਕਾਰ ਨਾਲ ਜਿਲ੍ਹਾ ਲਾਹੌਰ (ਪਾਕਿਸਤਾਨ) ਵਿਖੇ ਸੰਭਾਲਿਆ ਹੋਇਆ ਹੈ। ਇਸਦੀ ਫੋਟੋ ਸਟੇਟ ਦਰਬਾਰ ਸਾਹਿਬ ਅੰਦਰ ਸੱਚ ਖੰਡਿ ਅੱਗੇ ਲੱਗੀ ਹੋਈ ਹੈ।