Khewra Salt Mine / کھیوڑہ نمک کی کان

کھیوڑہ نمک کی کان ضلع جہلم پنجاب پاکستان میں واقع ہے۔ یہ جگہ اسلام آباد سے 160 کلومیٹر اور لاہور سے 250 کلومیٹر دور ہے۔ سیاحت کے شوقین افراد کے لیے یہاں بہت کچھ دیکھنے کو ملتا ہے۔ سیاحوں کے لیے اچھے انتظامات ہیں۔ ہر سال بہت سے لوگ یہاں آتے ہیں جن میں غیر ملکی بھی شامل ہیں۔ کان کے مختلف حصوں میں کچھ عمارتیں بھی بنائی گئی ہیں۔ ان میں سب سے مشہور نمک کی اینٹوں سے بنی مسجد ہے جس میں الیکٹرک کیٹلز بھی نصب ہیں۔ کان میں نکاسی آب کے لیے نالوں کا نظام بھی ہے۔ پہاڑوں سے گرنے والے پانی اور بارش کے پانی کے جمع ہونے کی وجہ سے کھارے پانی کے کچھ تالاب بھی ہیں جن پر نمک سے بنے پل بنائے گئے ہیں۔ کھیوڑہ نمک کی کان کو کچھ لوگ دمہ میں مفید جانتے ہیں۔ اس لیے یہاں ایک تجرباتی کلینک قائم کیا گیا ہے جس میں دمہ کے مریضوں کا علاج کیا جاتا ہے۔ پاکستان کے علاوہ بیرون ملک سے بھی مریض یہاں آتے ہیں