Tv Klan - Përplasja me armë në Laç, ndërron jetë 24-vjeçari

Gerald Bitri, 24 vjeçari që shihni në këtë foto, humbi jetën në Spitalin e Traumës pas plagosjes mesditën e të shtunës në Laç. Ai nuk mundi t’u mbijetoj plagëve të marra nga plumbat e shtënë gjatë përplasjes ndërsa si autorë janë vënë në praga Daniel Gjeloshi 27 vjeç, dhe Klevis Ndreca 28 vjeç. Ata janë vënë nën akuzë për vrasje në rrethana cilësuese dhe armëmbajtje pa leje. Në spital ndodhen ende 4 personat e tjerë të plagosur nga të shtënat me armë, ku njëri prej tyre, Amarildo Ndoji vijon të jetë në gjendje të rëndë. Në këtë ngjarje që sipas burimeve ka ndodhur për motive të dobta, mbeti e plagosur edhe një shitëse ambulante, që shiste qirinjë në rrugën e Kishës së Laçit, Angjelina Gjezaj. Të shtunën pas kontrolleve Policia bëri të mundur sekuestrimin e armës së zjarrit tip pistolete dhe një dorezë metalike që dyshohet të jenë përdorur në konflikt. Ato ishin hedhura në një zone në ndërtim jo larg vendit të ngjarjes. Konflikti mes të rinjve dyshohet të ketë nisur që prej mbrëmjes të së premtes. Teksa kanë zbritur nga Kisha e Laçit, ka pasur një përplasje të vogël mes automjetesh dhe më pas ata kanë debatuar me njëri-tjetrin duke u përshkallëzuar deri të përdorimi i armës. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/