කොත්මලේ නිම්නයම වලාකුළු මුහුදක් වෙන අපූරු තැන | Peacock Hill /GeethanjanaB Vlog

පිහිටීම සහ නම හැදුණු හැටි පිහිටීම: තියෙන්නේ මහනුවර දිස්ත්‍රික්කයේ, ගම්පොළ සහ පුස්සැල්ලාව නගරවලට කිට්ටුවෙන්. මුහුදු මට්ටමේ ඉඳන් මීටර 1513ක් විතර උසයි. නම: ඈතට මේ කන්ද පේන්නේ හරියට මොණරෙක් පිල් විදහාගෙන ඉන්නවා වගේ. ඒ නිසයි මේකට "මොණරගල" නැත්නම් "Peacock Hill" කියන්නේ. කොත්මලේ ජලාශය (Kothmale Reservoir) මුළුමනින්ම වගේ ලස්සනට පේනවා. ඈතින් තියෙන නාවලපිටිය, ගම්පොළ සහ මහනුවර නගර. ඒ වගේම පැහැදිලි දවසට ශ්‍රී පාදය (Adam's Peak), පිදුරුතලාගල, දොළොස්බාගේ කඳු පන්තිය සහ රිවර්ස්ටන් පැත්ත පවා ඈතින් බලාගන්න පුළුවන්. යන පාර: පුස්සැල්ලාව ටවුන් එකෙන් හැරිලා තේ වතු මැදින් තියෙන පාරේ උඩටම යන්න පුළුවන්. පාර ටිකක් පටුයි, වංගු වැඩියි. Adventure: බයික් එකකින් යනවා නම් මරු Ride එක. කන්ද පාමුලටම වාහනයකින් හෝ බයික් එකකින් ගිහින්, එතන ඉඳන් විනාඩි 10-15ක වගේ පොඩි කඳු නැගීමකින් (Easy Hike) මුදුනටම යන්න පුළුවන්.