Хэрхэн хулгай хийгддэг вэ? Бүтэн анализ хийхэд хүргэлээ...

Dashnyam Daichin Хэрхэн хулгай хийгддэг вэ? Бүтэн анализ хийхэд хүргэлээ... Иргэн нийтийн ашиг сонирхлын асуудлаар асуулт тавьж байж эрүүл тогтолцоо бий болдог. Хулгай хэрхэн бидний амьдралын өртөг болдог вэ? Хулгай гэдэг зөвхөн мөнгө аваад зугтахыг хэлдэггүй. Тендерийг өөрийн хамаарал бүхий компанид өгөх, төсвийг хэт өндөр үнээр батлах, нийтийн өмчийг хямд шилжүүлэх, нийтийн өмчийг бүртгэлгүй хувьдаа завших, мэдээллийг нууцлах, хяналтаас бултах зэрэг нь бүгд нийтийн баялагт хохирол учруулдаг. Төсөвт орох ёстой мөнгө алдагдсан ч төрийн зардал зогсдоггүй. Орлого хүрэхгүй үед төр: 1. татвар нэмнэ; 2. мөнгөний нийлүүлэлтийг өсгөнө; 3. дотоод, гадаадаас зээл авна; 4. эсвэл өмнөх өрөө шинэ өрөөр төлнө. Өөрөөр хэлбэл, алдагдсан мөнгө алга болдоггүй. Түүний төлбөрийг татвар төлөгчид өнөөдөр татвараар, маргааш өрөөр, нөгөөдөр инфляцаар төлдөг. 2026 оны нэгдүгээр улирлын байдлаар Монгол Улсын нийт гадаад өр 40.2 тэрбум ам.долларт хүрч, өмнөх оны мөн үеэс 6.2 хувиар өссөн байна. Ийм учраас иргэн нийтийн ашиг сонирхлын асуудлаар асуулт тавих нь хэн нэгнийг урьдчилан буруутгаж байгаа хэрэг биш. Харин татвар төлөгчийн хувьд нийтийн өмч, төсөв, тендер, лиценз, төрийн шийдвэрт хяналт тавьж буй ардчиллын үндсэн эрх юм. Эрүүл нийгэмд иргэд асуудаг. Ил тод төр хариулдаг. Харин асуултаас айдаг тогтолцоо хамгийн түрүүнд мэдээллийг хаадаг. Өнөөдөр дуугүй өнгөрвөл маргааш үнэ өсөхөд, өр нэмэгдэхэд, боломж хумигдахад бид бүгд төлөөсийг нь хамтдаа үүрнэ. Мэдэх эрхээ хамгаална гэдэг бол зөвхөн мэдээлэл авах тухай биш. Энэ бол өөрийн санхүүгийн эрх чөлөө, өөрийн ирээдүй, үр хүүхдийнхээ боломжийг хамгаалж буй хэрэг юм.   / 1026309450141203