كل أماكن تسريب البنزين في السيارة وكيفية كشفها بسهولة

#أفكار_جديدة_جدا #سيارات #بنزين كل اماكن تسريب البنزين في السيارة وكيفية كشفها. لو عندك بقى مكان واحد بيسرب بنزين في سيارتك، هتلاقي معدل استهلاك الوقود زاد من ١٠ ل ٣٠٪ وده عن تجربة، فما بالك بقى لو كان عندك اكتر من مكان بيسرب، وبكميات كبيرة. في حلقة النهارده هعرفك بشكل نظري وعملي ايه اهم الاماكن اللي لازم تاخد بالك منها باستمرار لضمان حرق كل نقطة بنزين ومنعها من التطاير في الهواء بدون أدنى استفادة. اول مكان بديهي ومنطقي هو غطا خزان الوقود، كتير بيكون مكسور او مشروخ او غير محكم الإغلاق او بيفوت في الرباط، لازم الغطا ده بالذات يكون بيقفل كويس جدا للحفاظ على أمانك قبل فلوسك. تاني مكان هي الخراطيم اللي واصلة بخزان الوقود في العوامة، لو مشرخة او منملة لازم تقص منها حتة او تغيرها كلها، وكمان العوامة لو مش قافلة كويس او الجوان بتاعها متاكل او مهري هتسرب بنزين كتير. تالت سبب هو زور التنك او الخزان، غالبا بيكون الزور ملحوم في التنك بأي طريقة كانت، وبالتالي بيكون هو اضعف نقطة في التنك، خاصة انه بارز وكمان بيتعرض لعنف كتير في الفك والرباط للغطا وقت تفويل العربية. والفيديو ده بنعمل اقوى شغل في التنك بأبسط الأدوات    • لحام شروخ خزان الوقود بأسهل وارخص طريقة وض...   بعد كده ممكن نمشي لقدام شوية مع خراطيم البنزين الرايح والراجع، اللي بتمشي جوه الصالون تحت الكنبة اوقات، وبتنزل تحت العربية اوقات اكتر، بص بقى على الخراطيم والمواسير دي والعربية شغالة، عشان البنزين يكون واضح قدامك لو في تسريب، قبل ما يطير ويجف. مشينا مع الخراطيم والمواسير، يبقى نطلع قدام عند حوض العربية عند نقطة التقاء المواسير دي مع خراطيم جديده، ونتأكد ان القفزان كلها مربطة كويس جدا، ومش مفوتة والخراطيم واصلة ومكبوسة للأخر، وهيظهر قدامك فيديو هينفعك بخصوص النقطة دي    • علاج تسريب البنزين ورائحة البنزين داخل الس...   بعد كده هنلاقي مدخل ومخرج طلمبة البنزين ايا كان نوعها، ومدخل ومخرج فلتر البنزين أيا كان شكله، ومدخل ومخرج الكربيراتير، وده بالذات له فيديو مخصوص لانه بيكون تسريب خبيث شوية،    • تسريب البنزين من مكان خبيث اكبر سبب لتأخر ...   وكمان جوان الكربيراتير يكون حاكم كويس ووش الكربيراتير يكون محكوم مع القاعدة كويس ومفيش اي خلوص او عالي وواطي فيه، وهتلاقي على القناة فيديو احترافي في الشغل والتصوير والمونتاج لمعالجة مشاكل الكربيراتير، هيظهر قدامك حالا وهتلاقيه في الوصف أسفل الفيديو.    • Weber carburetor restoration old Fiat car ...   كل الاماكن دي لازم نشوفها بعنينا والعربية شغالة ونتأكد انها جافة تمام خاصة مع زيادة سرعة الموتور، ونتأكد انها مربوطة بإحكام ومفيش اي قطع او ثقب في اي نقطة اتصال في دورة البنزين.