सौभाग्यवती सरपंच२'चा ट्रेलर आणि पोस्टर प्रदर्शितःअल्ट्रा झकास मराठी ओटीटी लवकरच होणार प्रदर्शित!

सौभाग्यवती सरपंच २'चा ट्रेलर आणि पोस्टर प्रदर्शितः अल्ट्रा झकास मराठी ओटीटीवर लवकरच होणार प्रदर्शित! मुंबई, १४ जुलै २०२६ : महिला सक्षमीकरणाचा प्रभावी संदेश देत प्रेक्षकांची मने जिंकणारी लोकप्रिय वेब सिरीज 'सौभाग्यवती सरपंच' आता नव्या जोमाने प्रेक्षकांच्या भेटीला येत आहे. 'सौभाग्यवती सरपंच २'चा ट्रेलर आणि पोस्टर आज प्रदर्शित करण्यात आले असून, ही बहुप्रतीक्षित वेब सिरीज २४ जुलैपासून अल्ट्रा झकास मराठी ओटीटीवर उपलब्ध होणार आहे. पहिल्या भागात एका सामान्य महिलेचा सरपंचपदापर्यंतचा प्रेरणादायी प्रवास आणि महिला सक्षमीकरणाचा प्रभावी संदेश प्रेक्षकांपर्यंत पोहोचला होता. त्याला मिळालेल्या भरघोस प्रतिसादानंतर आता ही कथा अधिक दमदार, तीव्र संघर्ष आणि सामाजिक वास्तवासह नव्या स्वरूपात समोर येत आहे. यावेळी गावपातळीवरील राजकारण, सत्तासंघर्ष, नातेसंबंध, अफवांचे राजकारण आणि पाणीटंचाईसारख्या ज्वलंत सामाजिक विषयांना प्रभावीपणे हाताळण्यात आले आहे. अण्णा गाव सोडल्यानंतर त्याच्या जागी अधिक धूर्त आणि प्रभावशाली प्रतिस्पर्धी नाना मैदानात उतरतात. ते केवळ राजकारण करत नाही, तर नात्यांमध्ये फूट पाडतात, खोट्या अफवा पसरवतात आणि संपूर्ण गाव अवलीच्या विरोधात उभे करतात. खोटे आरोप, कौटुंबिक संघर्ष आणि बालविवाहाच्या प्रकरणामुळे अवलीची प्रतिमा धोक्यात येते. मात्र प्रत्येक संकटाला धैर्याने सामोरे जात ती आपल्या तत्त्वांवर ठाम राहते. सत्ता, स्वार्थ आणि अफवांच्या राजकारणाविरुद्ध सत्य, धैयं आणि लोकहिताची लढाई यावेळी अधिक तीव्रतेने अनुभवायला मिळणार आहे. अवली पुन्हा एकदा परिस्थितीवर मात करून गावाचा विश्वास जिंकू शकेल का, याची उत्सुकता या कथेत कायम राहणार आहे. या वेब सिरीजमध्ये देविका दफ्तरदार, किशोर कदम, आशा जाते, मिलिंद शिंदे, अश्विनी कुलकर्णी, प‌द्मनाभभिंड आणि अन्य कलाकारांनी दमदार भूमिका साकारल्या आहेत. दिग्दर्शक संतोष कोल्हे यांनी ग्रामीण वास्तव, सामाजिक प्रश्न आणि मनोरंजनाचा सुरेख मिलाफ या कथेतून साकारला आहे. 'सौभाग्यवती सरपंच २' ही केवळ एका सरपंच पदाची कथा नसून, महिला नेतृत्व, आत्मविश्वास, सामाजिक जबाबदारी आणि परिवर्तन घडवून आणण्याच्या जि‌द्दीचा प्रेरणादायी प्रवास आहे. या भागातून महिलांच्या नेतृत्वाची ताकद अधोरेखित करताना मनोरंजनासोबतच अनेक महत्त्वाचे सामाजिक प्रश्नही प्रभावीपणे मांडण्यात आले अल्ट्रा मीडिया अँड एंटरटेनमेंट प्रा. लि. चे सी. ई. ओ. सुशीलकुमार अग्रवाल म्हणाले, "सौभाग्यवती सरपंच र ही महिला नेतृत्व, जिद्द आणि सामाजिक परिवर्तनाची प्रेरणादायी कथा आहे. मनोरंजनासोबतच जलसंवर्धन आणि गावपातळीवरील सुशासन यांसारख्या महत्त्वाच्या विषयांवर भाष्य करणारी ही मालिका अल्ट्रा झकास मराठी ओटीटीवर प्रेक्षकांसमोर आणताना आम्हाला आनंद होत असून, प्रेक्षकांचा तिला उत्तम प्रतिसाद मिळेल, असा आम्हाला विश्वास आहे." सौभाग्यवती सरपंच २' चा ट्रेलर आणि पोस्टर आता प्रेक्षकांच्या भेटीला आले असून, ही बहुप्रतीक्षित वेब सिरीज २४ जुलै २०२६ पासून अल्ट्रा झकास ओटीटी वर पाहता येणार आहे. Queries Amod 8898870021 Vanshika 9324071021 [email protected]