Вольны хор і Лявон Вольскі — Зямля / Volny chor & Lavon Volski — Ziamla

Легендарная песня часоў гурта «Мроя» займела новае гучанне. «Вольны хор» сумесна з Лявонам Вольскім і «Вольным аркестрам» прэзентуюць кліп на песню «Зямля». Кліп «Зямля» — першы з серыі сумесных відэапрац грамадскай кампаніі «Годна» і «Вольнага хору», у якіх культавыя песні легендарных беларускіх музыкаў і сучасных папулярных гуртоў загучаць у выкананне хору з аркестрам. Наступныя прэм'еры будуць разам са Змітром Вайцюшкевічам і гуртом «Дай дарогу!» Крыху слоў пра кліп ад «Вольнага хору»: «Мы, беларусы мабыць упершыню за доўгі час зноў усвядомілі сябе нацыяй. Зноў задумаліся над тым хто мы, навошта жывем на гэтай зямлі і куды крочым. Мы спрабуем вучыцца на памылках нашых продкаў, але ж, нажаль, у большасці, выкарыстоўваем свой, даволі такі розны вопыт. Але ж нішто не ўзнікае ніадкуль і не сыходзіць у нікуды. Мы — працяг Усяслава Чарадзея і Ефрасінні Полацкай, Францішка Скарыны і Міколы Гусоўскага, Сапегаў і Радзівілаў, Максіма Багдановіча і Уладзіміра Караткевіча... І нам трэба зрабіць усё магчымае і немагчымае, каб пражыць гэтае жыццё так, каб нашыя нашчадкі ўзгадвалі нас з такой жа павагай, з якой мы зараз расказваем пра нашых продкаў». Песня, напісаная гуртом «Мроя» ў 1989 годзе, выйшла на альбоме «Дваццаць восьмая зорка» ў 1990 годзе. Аўтар музыкі і слоў — гурт «Мроя», Лявон Вольскі. Апрацоўка — Вольны хор. Ютуб-канал «Вольнага хору»:    / volnychor   Ютуб-канал Лявона Вольскага:    / lavonvolskivideo   Падтрымаць нашую працу праз спонсарскую падпіску можна тут:    / @hodnaby   Падрабязней пра кампанію «Годна»: https://hodna.by Далучайцеся да старонак кампаніі ў сацыяльных сетках, каб не прапусціць годныя падзеі:   / hodnaby     / hodnaby   https://t.me/hodnaby   / hodnaby   https://vk.com/hodnaby https://ok.ru/hodnaby    / hodnaby     / hodnaby