"ОРЫС ТІЛІН БІЛМЕСЕҢ КҮНІҢ ҚАРАҢ" - "СТЕРЕОТИП" ХАБАРЫ - "ЖЕТІСУ" РАДИОСЫ

Бағдарламамыздың бұл жолғы шығарылымында қазақ тіліне, қазіргі тіл саясатына, мемлекеттік тілдің дамуына кері әсер етіп отырған стереотиптер жайлы сөз қозғаймыз. «Орысша білмесең ұят», «Орыс тілін білмегеннің күні қараң», «Қазақ тілі экономиканың тілі емес», «қазақ тілі заман көшіне ілесе алмайды» «қазақ тілі аграрлық тіл» деген көзқараспен өмір сүретін жандар арамызда әлі де баршылық. Орыстілді ағайын бұл стеротиптерді қазақ тіліне деген салқын көзқарасын ақтап алу үшін пайдаланады. Ал өзіміздің қаракөздер білместікпен солардың жетегіне еріп, айтқанын айна қатесіз қайталайды. Сол себепті күнделікті өмірде сан мәрте бұл тұжырымның қате екені дәлелденіп жатса да әлгіндей қасаң түсініктердің көбесі сөгілмей келеді. Яғни стереотип ретінде санамызда берік орнығып қалды. Бағдарламаның жүргізуші әрі редакторы: Темірлан Айтбаев