Vrasje e dyfishtë në Vlorë, 23 vjeçari ekzekuton babain dhe shokun e ngushtë-(14 Prill 2009)

Lajme Arkiva 2009 Lagja “24 Maji” në qytetin e Vlorës u trondit mbrëmjen e djeshme nga një ngjarje e rëndë. Një 23 vjeçar ekzekutoi me armë zjarri në oborrin e shtëpisë babain dhe shokun e tij të ngushtë, duke zbrazur mbi ta plot një karikatorë me 25 fishekë. Protagonist i kësaj vrasje të dyfishtë është Arjon Lulaj, ky që shihni në këto pamje, i arrestuar nga policia pak orë pas kryerjes së krimit. “Në vendin e ngjarjes janë sekuestruar në cilësinë e provave materiale një armë automatike e tipit kallashnikov, me tytë metalike, 25 copë gëzhoja dhe një automjet i tipit benz me targa VL2142.” Bilanci i viktimave mund të ishte edhe më i madh pasi nga të shtënat mbeti e plagosur nëna dhe kushëriri i tij. Sipas tyre Arjoni qëlloi fillimisht mbi shokun e tij të ngushtë 27 vjeçarin Bledar Xhaferraj dhe më pas shtiu mbi të atin Musa Lulaj 53 vjeç. Sofie Lulaj: “Isha brenda në shtëpi kur dola dhe pashë të rënë në tokë burrin. U shtriva mbi të dhe i thashë më qëllo dhe mua.” Gazetarja: “Folët me të më mbrapa?” Sofie Lulaj: “Nuk më ktheu asnjë përgjigje më, si falet kjo që bëri. Më mirë të mbyll sytë edhe unë.” Sipas dëshmisë së nënës së autorit, katër personat kishin mbërritur në shtëpi në gjendje të dehur. Kjo çoi në një grindje mes tyre, veprim që degjeneroi më pas në përleshjen me kallashnikov, armë të cilën 23-vjeçari e mbante pa leje. “Nga hetimet paraprake, referuar autorit të ngjarjes, rezulton se të ndikuar nga efekti i alkoolit kanë filluar një grindje ku me gjithë ndërhyrjen e prindërve të autorit nuk është shuar, por ka degjeneruar më tej.” Autori i këtij krimi, Arjon Lulaj kishte pak kohë që ishte kthyer nga Greqia ku dhe kishte kryer një kurs për hidraulik. Prej disa muaj ai ishte i papunë, dhe shoqërohej vetëm me të afërm të tij./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/